Home / Lajme / Fadil Shyti: POEZI

Fadil Shyti: POEZI

DËSHMORËVE TË ATDHEUT!

Në çdo 5 Maj, kombi shqiptar,
U kujton me mall dhe krenari,
Ju, yjet e lirisë,
Që flijuat për Shqipëri!

Ju, vini në zemrat tona,
Si lulet pranverore-liridone,
Thërrasin zërat tuaj,
Me zërin e bilbilave;
Atdheun mos e lërini,-në duar të katilëve!

Në çdo Pranverë të Kuqe,
Rilindni përsëri!…
Për të rënë, DIMRAVE,
Për Shqipëri!

DËSHMORËVE QË I NJOHA!

Ah! Sa shumë po më mungoni!
Për Ju, më duhet, PËRJETËSISHT, PAMBARIMISHT…
LOT, DUHI E GJËMIME!
Sa kishin, kanë dhe do të kenë:
Adriatiku dhe Joni!…
Mitrovicë, 2010

DHIMBJE KRENARE!

Ka kohë që gjendem, në kujtime-pikëllime,
Udhëtoj e udhëtoj, rruzullit tokësor,
Për ngushëllime, për gjakun e derdhur arbëror!

Dua të hyjë, në çdo vatër shqiptare.
E, ta ndajë:
Me të gjithë,-e për të gjithë,
Dhimbjen e hidhur, por krenare!

Dhimbjet t’i kthejmë në forca!

Forcat në Unitet Gjithëkombëtar!
E, ta ribashkojmë, lulëzojmë Shqipërinë Etnike,
Për të cilën ranë, zemrat heroike!
22 korrik 1999

DHE THONË?!

…Mos i qani, me lot,
Heronjtë dhe heroinat,
Që jetën, ia falën Shqipërisë!
E, qe besa kjo ide,
Hiç, s´më duket me mend:
Për ata dhe ato,
-Duhet kënduar,
Pa mbarim, deri në amshim!
Jo vetëm njerëzit,
Po, edhe Qielli e Dielli,
…Edhe Toka, Detet,
Lumenjtë e Oqeanet
Duhet, “Me u çmendë”!…
14 dhjetor 2010

PLAGËT TONA
(Invalidëve të luftërave tona çlirimtare)

Ne, jemi kryengritës, breza-breza!
Në trupat tanë me plagë-drite,
Kemi vënë proteza;
Disa prej tyre,-thellë në kocka na futen…
Eh!…
Kemi të tjera,-më të thella,
Që fare nuk duken!
12 gusht 2005

REBELIM?!

Rebelim, me kushtrim,
Rebelim, për çlirim,
Rebelim, për punë,
Jetën ta bëjmë, qëndrim…

Nëse duam,-që, jeta të ketë kuptim:

Rebelim, edhe për dashuri!…
Nëse duam, të ketë ardhmëri,
Për filizat e reja, ndër brezni!…
Rebelim për RIBASHKIM!…
20 prill 2004

PSE PO VONOHET LIRIA?!

Po na vonohet liria, sepse,
Ende po kalëron, sundon:
Padituria, pabesia…
E keqja, tradhtia.

Po na vonohet liri,- sepse,
Po sulmon lakmi-verbëria!…
…Po na vonohet liria, sepse,
Po sundon liderizmi, servilizmi,
neo-nazifashizmi.

Po na vonohet liria, ndër vite,
Sepse, horra dhe qorra politikë,
Pa turpe, pa frikë:
Po dialogojnë -zezojnë,
Me lëshime, dështime…

Me të huajt, me armiqtë!
…Po na vonohet liria,
Sepse, gjer më sot,
lirisë nuk po i njihet vlera!…
Janë bërë bashkë rosa,
dosa e derra!…

Nuk po rriten lulet nën ferra!
Po na vonohet;-kështu liria,
Prandaj, po heq si mos më keq,
E jona, e bukura Shqipëria!
14 gusht 2006

About xhzeqiri

x

Check Also

Prof. Farudin Hoxha: Si i ndërtoi Shqipëria 650 diga në të gjithë vendin dikur

INTERVISTA/ Akademiku Farudin Hoxha, parashtron rrezikun që mund të vijë nga amortizimi ...