Në 365 ditë, nga mëngjesi gjer në darkë për rreth tri dekada, intelektualët, analistët, politologet, politikanët dhe pushtetarët tanë, nuk kanë reshtur së deklaruari, se demokracia europiane, ku ne duam të zhytemi është demokraci e vërtetë, ndërsa demokracia amerikane, është kampione e demokracisë botërore.
Sa e vërtetë është kjo?
Për të vertetuar përcaktimin e mësipërm, po sjellim deklaratën e njërit prej politikanëve tanë, recituar në mbrëmjen e datës 2 korrik 2019 në një nga panelet e studiove televizive shqiptare. Është fjala për ish ministrin e jashtëm të Shqipërisë në vitin 1998, zotin Paskal Milo. Po citojmë:
“Pas grushtit të shtetit në vitin 1998, u mblodh Parlamenti për heqjen e imunitetit të Sali Berishës. Gjatë asaj kohe, nën cilësinë e ministrit, pata takime me ambasadorin amerikan, gjerman dhe italian. Thuajse njëzëri më thanë se nëse arrestoni Sali Berishën, atëherë do u ndërpresim të gjitha ndihmat”,- tha Milo në studion e emisionit “Open”.
Që Sali Berisha, për “veprat” e njohura antipopullore dhe antikombëtare të tri dekadave të tranzicionit demokratik, nuk do të dënohej, këtë unë e kam ditur dhe e kam artikuluar disa herë në shtypin e ditës. Këtë e kam bërë, jo se kisha të dhënat e Paskal Milos, por se kisha deduksionet e mia për demokracinë borgjeze. Tani që përcaktimet e mia vertetohen nga goja e një ministri të shtetit borgjez, kam të drejtë t’u drejtohem shokëve dhe miqve të fejzbukut:
Keni ndonjë kundërshtim për sa shkrova? Nëse keni thuajeni dhe argumentojeni.
