Serbia arreston drejtorin e Policisë së Mitrovicës, Nehat Thaçi

Drejtori i Policisë së Mitrovicës, Nehat Thaçi është arrestuar mëngjesin e sotëm nga policia kufitare e Serbisë.

Lajmin për Telegrafin e ka konfirmuar zëdhënësi i PK-së.

“Është arrestuar në Serbi Nehat Thaçi. Kaq mund të konfirmojmë për momentin. Për detajet e tjera do të informoheni me kohë”, ka thënë Hoxha.

Sipas tij, arrestimi ka ndodhur në pikën kufitare “Dheu i Bardhë”, mbrëmë rreth orës 00:10, derisa po punohet për të zbardhur arsyet e arrestimit të Nehat Thaçit.