Home / Lajme / Koloneli i FSK-së refuzoi 30 mijë euro, gjesti fantastik shtangu japonezët

Koloneli i FSK-së refuzoi 30 mijë euro, gjesti fantastik shtangu japonezët

Koloneli i FSK-së, Ejup Maqedonci, refuzoi 30 mijë euro dëmshpërblim nga shteti japonez.
Kjo pasi gjatë ushtrimeve, koloneli lëndoi meniskusin e këmbës dhe japonezët i ofruan për ta dërguar për shërim në ndonjë klinikë japoneze, duke i thënë që sipas kontratës i takojnë 30 mijë euro dëmshpërblim.
Ai nuk pranoi dëmshpërblimin, me arsyetimin se në Japoni ka shkuar të marrë dije e jo dëmshpërblim. Nga ky gjest i tij, japonezët janë befasuar dhe e caktuan menjëherë në pozitën e udhëheqësit të ushtarëve pjesëmarrës nga mbarë bota.
Në një lidhje me Skype për “ABC e Mëngjesit”, Ejupi shpjegoi gjithçka pse e mori këtë vendim.
“Jam lënduar gjatë një trajnimi që ka qenë për ekipin e kërkim-shpëtimit. Kur kam shkuar në fillim në Japoni, atje duhet të nënshkruash një dokument që nëse lëndohesh, duhet të shpërblehesh.
Unë i kam thënë jo, do të vazhdoj qoftë me një këmbë. I thashë unë trajnimin do ta vazhdoj dhe në kos do kthehem me certifikatë jo me para. Unë kam qenë i pari nga Kosova në Japoni dhe kjo gjë më ka shërbyer pasi edhe kur jam kthyer këtu jam pjesë e FSK-së dhe kam ndihmuar si në rastin e përmbytjeve në Shkodër.
Edhe më shumë se 30 mijë euro të ishte, synimi ishte të mos kthehesha në Kosovë me lekë, po i certifikuar.  Ata shkelën procedurat se japonezët nuk pyesin shumë për të tilla raste dhe më lejuan ta vazhdoja trajnimin”, rrëfeu ai.

(marrë nga botasot)

About xhzeqiri

x

Check Also

Xhemil Zeqiri, veprimtar heroik i çështjes kombëtare shqiptare

/ Nga Arkivi i diplomcis.dk/ Epoka e Re, 24.01.2004 Prishtinë, janar – ...