Home / Histori / NGA HISTORIA E LAVDISHME E UNIVERSITETIT TË TETOVËS

NGA HISTORIA E LAVDISHME E UNIVERSITETIT TË TETOVËS

K u j t e s ë
Më 14 dhjetor 1994
Arsimtari nga Shkupi, Milaim Memeti, viktimë e pushtetit në ngjarjet lidhur me fillimin e punës së Universitetit të Tetovës është dëshmor i arsimit dhe i shkollës shqipe në Maqedoni.
Edhe shqiptarët e Shkupit e kanë paguar me gjak dhe sakrifica themelimin e Universitetit të Tetovës, si të gjithë shqiptarët në Maqedoni dhe në viset tjera shqiptare, prandaj duhet të përjetësohet edhe emri i këtij mësuesi dëshmor nga qyteti i Shkupit.
– Abdulla Mehmeti
“Vetëm se ishte paralajmëruar hapja zyrtarisht e Universitetit të Tetovës, më 17 dhjetor 1994. Ishte ngritur tensioni tej mase gjithkund. Shteti kishte shtuar kontrollin policor, vend e pavend, me qëllim që të ngjallte frikë te popullata shqiptare dhe për të penguar hapjen e UT-së. Vetëm disa ditë para se të shpallej hapja zyrtare e UT-së, më 14 dhjetor 1994, policia kishte marrë aksione të ashpra gjoja për të ndaluar tregtinë ilegale në vend edhe se dihet sulmi ishte vendosur drejt shitoreve shqiptare dhe tregjeve të frekuentuara më shumë nga shqiptarët. Në të njëjtën ditë, në mënyrë spektakulare dhe më çnjerëzore në tregun me shumicë në Shkup, policia do të arrestonte të riun shqiptar Milaim Memetin, arsimtar i diplomuar, por i papunë, i cili shiste në treg për të mbijetuar ekonomikisht, do ta dërgojë në stacionin famëkeq për shqiptarët e Shkupit – Autokomandë dhe në një inskenim se gjoja ka dashur të ikë nga stacioni vritet në oborr të stacionit policor. Lajmi bëri bujë të menjëhershme. Në të njëjtën kohë, po në orën 12 të mesditës, kur kishte ndodhur vrasja në Shkup, Ministria e Urbanizmit, Ndërtimtarisë, Komunikacion dhe Ekologjisë, së bashku me policinë speciale me makineri të rëndë kishte rrënuar murrin rrethues dhe objektin në Tetovë ku duhej të nisnin ligjëratat e para.”
– Dr. Fati Iseni, nga disertacini i doktoraturës, e mbrojtur në Institutin e Studimeve Evropiane, Universiteti i Tiranës, shkur 2013.
(18.VII.2019)
DËSHMI PËR DATËN E THEMELIMIT TË UNIVERSITETIT TË TETOVËS
(Për ata që nuk dinë ta bëjnë dallimin mes themelimit dhe fillimit të punës së Universitetit të Tetovës, në përvjetorin e hapjes solemne dhe fillimin e punës së këtij Universiteti, më 17 dhjetor 1994.)
Më 14 dhjetor 1994, me vendim paraprak të Qeverisë, në të cilën kanë marrë pjesë edhe ministra dhe zëvendësministra nga radhët e parisë shqiptare në pushtetin e atëhershëm, policia i bastisi dhe demoloi zyrat e Universitetit të Tetovës, Rektoratin i përkohshëm, si dhe me makineri të rëndë e rrënoi objektin e Fakultetit të Shkencave Matematike-Natyrore në Reçicë të Vogël. Gjatë kësaj dite edhe i arrestoi disa nga udhëheqësit e Universitetit.
Universiteti i Tetovës, nga dita e themelimit të tij, më 4 qershor, deri më 17 dhjetor 1994, i kishte formuar organet e veta drejtuese, kishte siguruar një pjesë të objekteve për veprimtarinë mësimore-shkencore dhe për administratën e tij. Cila është logjika të jetë themeluar ky Universitet dy ditë pas rënimit të objektit të njërit nga fakultetet e tij, pas demolimit të zyrave të Rektoratit, dhe cila ishte arsyeja e arrestimit të udhëheqësve të Universitetit, shfryerja e mllefit nga organet represive të pushtetit dhe policia, që ta godasin kaq egërsisht Universitetin e Tetovës, nëse nuk do të kishte ekzistuar ai deri më 17 dhjetor 1994?!
(17.XII.2017)
Imazhi mund të përmbajë: një ose më shumë njerëz dhe jashtë

About admin

x

Check Also

Sa të gënjyer ishim !

/ Intervist që ia vlen të lexohet e rilexohet/ Intervistë me ish ...