Home / Intervista /  TVM2: Të nderuar teleshikues mirëmbrëma! Këtë sezonë të ri të  emisionit “Open” e fillojmë me një protagonist shumë të veçantë, z. Xhemil Zeqiri i cili çështjen kombëtare e sheh si një strumbullar të vetëm që vetëm duke thënë të vërtetën edhe atëherë kur dhemb shumë dhe shton dhembjen e plagës, mund të zgjidhet çështja shqiptare.

 TVM2: Të nderuar teleshikues mirëmbrëma! Këtë sezonë të ri të  emisionit “Open” e fillojmë me një protagonist shumë të veçantë, z. Xhemil Zeqiri i cili çështjen kombëtare e sheh si një strumbullar të vetëm që vetëm duke thënë të vërtetën edhe atëherë kur dhemb shumë dhe shton dhembjen e plagës, mund të zgjidhet çështja shqiptare.

Emisioni “Open”

TVM2: Z. Xhemil, mirëmbrëma dhe  mirë se na erdhët në studio!
Xh. Zeqiri: Mirëmbrëma dhe mirë se u gjeta! Faleminderit për ftesën!
 TVM2: Duke shfletuar librat tuaj do ndalemi tek libri “E vërteta bën armiq”. Në ballinën e këtij libri shihet një figurë shahu, ku ju jeni figura kryesore, kurse përball jush janë figura të tjera, të cilët jo vetë ndoshta që i ka hedhur fati, por sesi ata duhet lëvizur. Është intrigues shumë titulli “E vërteta bën armiq”.
Xh. Zeqiri: Po, ashtu është! Për fat të keq, e vërteta bën armiq, ndonëse do duhej të ndodh e kundërta që, e vërteta të bëjë miq, mirëpo kjo nuk ndodh.
 TVM2: Kjo ndodh vetëm te shqiptarët apo edhe tek popujt tjerë ?
Xh. Zeqiri: Kjo po ndodhë tek ne, në politikën shqiptare, e cila që nga viti 1990/’91 e këtej apo nga viti 1989 që kur u krijua partia e parë shqiptare, Lidhja Demokratike e Kosovës. Në një artikull pata shkruar se shqiptarët e hipën gomarin mbrapsht dhe kur ti hip gomarin mbrapsht, nuk shkon në atë drejtim ku ti dëshiron, por gomari ku të çon. Kështuqë, po t’ua thuash këtyre politikanëve, këta menjëherë fillojnë të armiqësohen; nuk e duan realitetin, nuk e duan të vërtetën. Pastaj, kjo figura e zezë ka të bëj me të gjitha partitë politike, jo vetëm në Shqipëri, Kosovë apo Maqedoni, por edhe në Diasporë. Ka pasur qëllimin që të depërtojë tek mediat daneze dhe vetëm kur arrita të botoj në mediat daneze, atëherë filloi të ndryshojë situata komplet në favor të shqiptarëve.
TVM2:  Z. Xhemil, t’ua shpjegojmë shikuesve, ju jeni një veprimtar dhe autor i disa librave, por që keni kontribuar për çështjen shqiptare, duke vepruar dhe jetuar në Danimarkë. Ajo që na bën përshtypje është se ju çështjen shqiptare nuk e shihni si të ndarë në çështjen shqiptare në Maqedoni, Kosovë, Shqipëri etj. por sitërësi dhe thuani se poqese nuk zgjidhet si duhet, atëherë do ketë probleme ?
Xh. Zeqiri: Në vitin 1990 Shqipëria ishte e izoluar, sepse shteti shqiptar nuk e njihte Organizatën për Siguri dhe Bashkëpunim Europian, e cila i njihte shtetet e krijuara (Jugosllavia )  ne territoret shqiptar. Dhe, unë si veprimtar i Lëvizjes Popullore të Kosovës kërkoja që problemi shqiptar të zgjidhej në kuadër të vetëvendosjes, që vet populli të vendosë për fatin e vet, duam ne apo nuk duam të jetojm të nder. Në Konferencën e Bujanit 1944/’45 iu dha kjo e drejtë shqiptarëve që pas luftës shqiptarët  të vendosin për fatin e vet, mirëpo me intriga dhe dredhi shqiptarët i ndanë në dy shtete, kështuqë kjo vazhdoi deri në vitin 1990. Përmes Lidhjes Demokratike të Kosovës, e themeluar në vitin 1989, u munduan që nga shqiptarët të krijojnë një identitet të ri, Kosovar. Nuk kishte  nevojë të krijohet një komb, Kosovar, kur ne të gjithë jemi shqiptar; flasim një gjuhë, varësisht nga dialektet dhe nëndialektet e ndryshme, por kemi një gjuhë të unisuar që është një e arritur e madhe në Ballkan. Kemi një histori mijëra vjeçare pellazgo-ilire, një kulturë të trashëguar pellazge dheilire që edhe sot e kësaj dite e kultivojmë, prandaj është nonsens të krijohet një gjuhë, një kulturë apo një komb kosovar.
TVM2: Si e shihni politikëbërjen? Ju thoni se politikëbërja shqiptare duhet funksionuar si një mozaik i përbashkët. Në çfarë forme kur kemi shtete të ndara ?
Xh. Zeqiri: Po tani, maskaradave, lojrave politike në dëm të shqiptarëve ua çjerri maskën Ushtria Çlirimtare e Kosovës në krye me komandantin Adem Jashari. Mirëpo, përsëri akterët politikë, u munduan ta izolojnë luftën  dhe arritën sa ta çojnë problemin shqiptar në Rambuje. Në Rambuje ishte një fitore e madhe diplomatike, mirëpo nuk është dashur të pranohet ajo që u pranua atje, sepse sot e kësaj dite po i vuajmë pasojat e saj, kur përfaqësuesit tanë u pajtuan që Kosova të jetë pjesë e Serbisë. U pajtuan që 12 000 forca të Serbisë ta mbrojnë territorin e Kosovës. Këtë e bën Ibrahim Rugova, Hashim Thaçi dhe delegacioni që ishte në Rambuje. Mirëpo, për fatin tonë të mirë, delegacioni serb nuk e pranoi dhe nuk e vuri nënshkrimin. Ata donin që të mos ekzistonte as autonomi për shqiptarët. Pastaj filluan bombardimet dhe në atë kohë ishte afera e Klintonit me Monika Levinskin. Kur Klinton e fitoi gjyqin me Monika Levinskin, atëherë doli Klinton dhe deklaroi se pas këtij gjenocidi të serbëve në Kosovë, asnjë këmbë ushtari serb në do ketë në Kosovë. Dhe, kjo është një fitore e jona, sepse për herë të parë patëm një mbështetje të madhe të Shteteve të Bashkuara të Amerikës.
TVM2: Në letrat drejtuar autoriteteve daneze rreth problemit shqiptar, ju deklaruat se jeni një njeri i thjeshtë, por një njeri i tillë mori guximin për një hap të tillë.
Xh. Zeqiri: Është e vërtetë, sepse kur vura kontakt me disa “intelektualë” shqiptarë, të cilët kur vinin në Perëndim na mbanin ligjërata për kinse zgjidhjen e problemit nga Ibrahim Rugova, se hartat në Angli janë bër për bashkimin e Shqipërisë etj, e kuptoja se këta janë komplet demagogë, njerëz që nuk u interesonte aspak çështja shqiptare. Bëja polemika me ta dhe politikanë të tjerë për mundin e shqiptarëve, sakrificën e tyre duke derdhur tonelata djersë, lot dhe gjak e këta përsëri manipulonin. Manipulonin me popull ish titistët dhe emisarë të partive tjera politike, të cilët morën pasaportat jugosllave dhe vinin në perëndim bënin propagandë. Mu për këtë fillova t’i drejtohem qeverisë daneze. Kam shkruajtur disa letra, 36 sosh, ku i jam drejtuar ministrisë daneze. Pjes dërmuese kanë qenë të botuara, kurse disa të tjera janë botuar gjysma e tekstit apo edhe më pak si  Komente të shkëtupura, por që ka qenë një qendrim jolabil, joservil, siç janë këta të politikës që iu nënshtrohen ndërkombëtarëve. Kërkesat i kam bër me dinjitet, sepse nuk po kërkoja lëmoshë, por diçka që na takon; qoftë e drejta historike, etnike etj.
TVM2: Kishte reagime pozitive ?
Xh. Zeqiri: Po, kam marr përgjigje pozitive nga Ministria Daneze e Punëve të Jashtme dhe Qeveria, madje edhe nga shtypi danez, redaksitë e ndryshme që m’i kanë botuar shkrimet e mia. Nga PEN Qendra daneze, Këshilli për Mbrojtjen e të Drejtave dhe Lirive të Njeriut etj. kështuqë  kam pasur mirëkuptim dhe shumë sukses te qeveritarët, por edhe te intelektualët danezë.
Fal kësaj, nga viti 1992/’93 filloi një etapë e re e kuptimit dhe mirëkuptimit të problemit shqiptar. Kështu delegacioni danez këtë çështje e ngriti edhe në nivelin e Kombeve të Bashkuara, ku kishte theksuar se problemet në Ballkan nuk mund të zgjidhen me ndaljen e luftës në Bosnje, por ato duhet filluar me zgjidhjen e problemit të Kosovës. Por, këtë problem s’mund ta zgjidhi unë e as qeveria daneze, por këtë duhet bër vet shqiptarët. Mirëpo, këtu fare nuk është duke u punuar drejt zgjidhjes së problemit shqiptar. Këtu mbështeten vetëm grupet mefioze, të cilët e quajnë veten politikanë e që po e topisin çështjen duke e mbuluar me një vello, në emër të demokracisë. Këtu s’ka të bëj asgjë me demokracinë; është një mafi politike si në Shqipëri, poashtu edhe në Kosovë dhe Maqedoni.
TVM2: Në mos jemi futur në një qorrsokak prej nga s’mund të dilet ?
Xh. Zeqiri: Nuk e besoj, sepse edhe në vitin 1912 kur u shpall pavarësia, Komuniteti Ndërkombëtar hezitonte ta pranonte pavarësinë e Shqipërisë, duke thënë se nuk duam ta pranojmë një shtet islam ose osman, për faktin se shumica ishin muslimanë. Edhe tani nuk duan të na pranojnë, sepse thonë se mafioz janë shqiptarët. Unë nuk  e di se si kjo dosje e zezë të jetë sot për shqiptarët. Kurrë nuk e kemi pasur këtë traditë. Çdo mal ka ujq dhe derra, mirëpo kjo s’ishte e jona. Këtu nuk na doli asnjë parti e shëndosh kombëtare. Në Kosovë e vetmja Lëvizja Vetëvendosje përpiqet të bëj diçka. E lut partinë titiste të Isa Mustafës LDK-në të bëj koalicion dhe ata tallen; Lutfi Haziri, një Tito i ri, siç e quaj unë. Pra, është një problem i madh me këto partitë politike dhe poqese nesër shkojmë në Zgjedhje, çka do të bëj Lëvizja Vetëvendosje kur këta kanë ngatërruar gjithçka. Kur Rezoluta 1244 e OKB-së e njeh Kosovës si territor të Serbisë. Negociatat në Vienë dhe Bruksel aspak nuk punohet që të ndryshohet Rezoluta 1244, por vetëm i hedhin hi syve popullit se, ja erdhi Isa Mustafa dhe Vjosa Osmani dhe do ta zgjedhin problemin, ndërkohë që ata kurrë nuk e kanë përmendur këtë Rezolutë që është gur i rëndë dhe nëse nuk e hjekim këtë guri ne s’mundemi të ecim përpara.
TVM2: Zotri Xhemil, kur jemi te çështja kombëtare, ju shquheni si kritikues të asaj fryme të UÇK-së, ndërkohë që ju jeni veteran i UÇK-së. Ka përfunduar lufta, ka mbaruar ai ideal ?
Xh. Zeqiri: Jo, jo, s’ka përfunduar. Madje luftën e kanë ngatërruar pikërisht bartësit e Ushtrisë Çlirimtare të Kosovës. Hashim Thaçi, Kadri Veseli dhe Xhavit Haliti. Të ndalemi këtu në Luften e 2001-shit. Në komunikatën numër 6 thuhet se Ushtria Çlirimtare e Kosovës njeh integritetin dhe sovranitetin e Maqedonisë. Mirë, atëherë po ushtria eMaqedonisë, pse lufton? Unë kam qenë kundër luftës, sepse  ajo nuk i zgjidh problemet, megjithatë e kam mbështet sepse lufta e UÇK-së arriti që të krijohen kushtet që të ulemi e t’i nxjerrim kërkesat tona në tavolinë. Në tavolinë çështjet duhet shtruar drejtë, mirëpo jo  me servilizëm, si këta tanët që arritën deri këtu me servilizëm. E njëjta gjë ka ndodhur edhe në Kosovë. Unë kurrë s’kam arrit ta kuptoj Hashim Thaçin. Atë e kam takuar  para se të bëhej zëdhënës i UÇK-së dhe e njoh veprimtarinë e tij gjatë asaj kohe. Asgjë, asnjë veprimtari në dobi të atdheut. Kështu edhe Kadri Veseli dhe Xhavit Haliti. Këta vetëm kur kanë ardhur në pushtet, atëherë u munduan të tregojnë se janë baballarë të kombit. Dhe, nuk u treguan se janë baballarë të kombit, por baballarë të mafias dhe nëntokës. Një tragjedi.
TVM2: Si e shihni zgjidhjen e çështjes kombëtare ?
Xh. Zeqiri: Po tani jetojmë në epokën e demokracisë, ku Shtetet e Bashkuara të Amerikës duan ta shtrijnë sistemin demokratik në tërë botën. SHBA-të nuk mund të kompromitohen me këta mafiozë. Për shembull, tani për tani Shqipëria duhet të pastrohet. Ne e kemi hallin më të madh Shqipërinë. Aty është marrur kalaja nga brenda që në vitin 1991/’92 nga forcat antishqiptare prosllave dhe e shkatërruan Shqipërinë. Në Shqipëri u dogjën 500 fabrika, të gjitha kooperativat u shkatërruan, shtyllat e larta të tensionet, aeroplanët, tankset etj. të gjitha u shitën për skrap. Një raport që ka dalur tani, vetëm ushtria në Shqipëria ka pasur kapital në vlerë prej 160 miliardë dollarë. Disa habiten se si Shqipëria ka pasur aq bunkerë, madje edhe nën tokë për të shpëtuar populli në rast të luftës. Por Shqipëria për 50 vjet punoi që t’i thotë botës o zgjidhe problemin shqiptar ashtu si duhet dhe si e meriton, o do të shkrihemi njëherë e përgjithmonë. Këta e shkatërruan edhe shtetin amë, duke e akuzuar se Shqipëria po krijon armiq. Jo ore s’ka krijuar armiq. Armiqtë i kemi pasur dhe i kemi sot e kësaj dite. Por, për fatin tonë  të mirë, Shtetet e Bashkuara të Amerikës janë duke e parë mirë situatën dhe me institucionet e veta juridike, këta do ta zgjidhin problermin shqiptar dhe këta “Peshqit e mëdhenj” do i largojnë nga skena politike. Pra, pa u larguar këta peshq të mëdhenj, nuk besoj se do ketë zgjidhje në Shqipëri dhe trojet tona në përgjithësi.
TVM2: A kemi potencial tek intelektualët e rinj që ta marrin përsipër këto procese ?
Xh. Zeqiri: Aktualish nuk ka. Mund të ketë aty-këtu ndonj, por nuk do i përmend, sepse janë peng e mafias së madhe. Në Shqipëri së shpejti do lind një paparti, as e majtë e as e djathtë, e cila do kujdeset për zgjidhjen e çështjes shqiptare dhe jashtë kufijve shqiptar. Unë i kam parë disa pika të programit dhe kam besim se do jetë një parti që e meritojnë shqiptarët një parti të tillë.
TVM2: Z. Xhemil, teksa bisedonim para emisionit, më ka bër përshtypje se ju nuk pushoni së takuari me diplomatë, me persona të caktuar, të cilët kanë influencë në shtetet europiane për të ngritur akoma çështjen shqiptare. Njëri ndër ta është edhe Rasmussen.
Xh. Zeqiri: Ne kemi pasur një organizatë, ku së bashku kemi punuar për Bosnjen, të cilën e kemi ndihmuar, pastaj kur ndodhi lufta në Kosovë gjithashtu si dhenë vende të ndryshme ku ka kriza politike, vërshime, termete, tragjedi të ndryshme etj. Ne kemi njerëzit tanë nëpër këto rajone përmes të cilëve i shpërndajmë ndihmat e grumbulluara. Kemi pasur edhe gazetën tonë mujore, e cila është financuar nga vet organet e shtetit  danezë.
Desha ta potencoj edhe një rast: Gjatë bombardimeve të NATO-s, unë kam pasur kontakte direkt me kryeministrin danez, ku kërkova që Hashim Thaçi  si përfaqësues i Qeverisë së Përkohshme.Domethënë, arriti kulminacioni i bashkëpunimit me Qeverinë daneze, duke aprovuar një takim në nivel të lartë shtetëror midis dy udhëheqësve. Për her të par Thaci takon nje kryeminister  perndimor zyrtarisht,  Mirëpo ja për fatin e keq nuk ditë t`i mbahn kontaktet, Hashim Thaçi sikur është një peng i Serbisë, një intrigant i rëndë.
TVM2:  Në çfarë forme ?
Xh. Zeqiri: Serbia ka një dosje tij, e ka “dënuar  10 vite” për aktivitet ilegal dhe këtë e aktualizon gjithmonë duke e mbajtur peng këtë. Hashim Thaçi merret me intriga vetëm e vetëm ta shantazhojë edhe Kosovën. Merreni me mend, zhvillohen negociata me vite të tëra dhe nuk ka asnjë rezultat. Kosova është me Fusnotë dhe nuk mund të anëtarësohet në asnjë organizatë botërore, si pasojë e një lidershipi të dobët. E keni parë edhe në mediat në për Tv stacionet , ku Vuçiqi në negociata shkon me letra plot para Mogerinit, kurse Hashim Thaçi me duart në xhepa si i akuzuar, e jo ky të akuzojë Serbinë për gjenocidin ndaj shqiptarëve. Këto politika në Kosovë duhet ndryshojnë, ndryshe nuk mund të ecet para.
TVM2: E përmende çështjen kosovare. Pse kjo duhet të ndërlidhet edhe me shqiptarët e Maqedonisë ?
Xh. Zeqiri: Problemi shqiptar nuk mund të ndahet, ne jemi bashkë, jemi një . Shumë shqiptarë nga Maqedonia kanë luftuar në Kosovë dhe anasjellatas  nga Kosova e shqipëri Londineze ishin në luften ton të 2001. Po kështu në vitin 1968, kur ndodhën demonstratat, erdhën shqiptarët nga Kosova për t’i mbrojtur shqiptarët në Maqedoni. Kështuqë,  kufijt që na i kanë vendosur fuqitë e mëdha dhe federata jugosllave i konsideroj kufij jashtëzakonisht e të rrezikshëm. E shihni ju sesi në gjithë Europën nuk ka kufij, vetëm ndër shqiptarë i kanë vën kufijt: Shqipëri- Kosovë, Kosovë- Maqedoni janë  kufiri ma  të kontrolluara, prandaj duhet të hiqen njëherë e përgjithmonë këta kufij. Pastaj, unë ndjehem keq kur dëgjhoj se në Maqedoni ka vetëm 20% shqiptarë. Pse përqindja e shqiptarëve ? Pse nuk thonë 5% ose 20% turq, apo 60% maqedonë etj. Ky është imponim i ligjeve të Apart’heidit ndaj shqiptarëve. E kam lutur ministrin Edmont  Ademin që këto ligje diskriminuese të hiqen. Unë vet jam social demokrat dhe nuk mund të pranojë asnjë ligj që diskriminon një etni. Për shembull Erdogani: Ai do që Turqia të pranohet në Bashkimin Europian, kurse në anën tjetër diskriminon kurdët apo popujt tjerë atje. Por, edhe ndaj shqiptarëve në Turqi. Gazetat gjermane shkruajnë se në Turqi 30% e popullsisë janë me origjinë shqiptare. Nuk ka asnjë shkollë shqip, kurse Erdogani financon xhamia dhe shkolla turqishte private në Shqipëri. Madje, tani që është më skandalozja, edhe puçin ushtarak që e bëri në Turqi, ngriti memorial për ushtarët e vrarë në Shqipëri. Ç’është ky servilizëm i qeverisë shqiptare, i Kryeministrit Edi Rama ? Pse nuk bën memorial për 12. 000 viktimat e shqiptarëve të Kosovës që u vranë nga policia e ushtria  serbe, prej tyre 1400 fëmijë, edhe sot e kësaj dite këto  njerëz akoma të pagjetur. Ndërkohë që Edi Rama bën memorial të puçit të dështuar të Erdoganit.
TVM2: Jemi drejt fundit të kësaj interviste, na thuaj diçka për librin tuaj “Në mbrojtje (diplomatike) të çështjes shqiptare .
Xh. Zeqiri: Në këtë libër, siç edhe e kam theksuar edhe në intervistat tjera, janë të botuara letrat, takimet, artikuj dhe debate rreth çështjes shqiptare, sepse betejat nuk kanë pëtfunduar. Ky libër është i dyti, kurse libri “E vërteta bën armiq” është i pesti me radhë, kurse kam edhe dy libra shqip që duhet botuar dhe dy në gjuhën daneze. Duhet mbrojtur me çdo kusht çështjen shqiptare. Unë nuk jam diplomat, prandaj e kam futur në kllapa “diplomatike”. Nuk mund të thuhet se çështja shqiptare është zgjidhur. Edhe nëse bëhen zgjedhjet më 6 tetor dhe poqese fiton Vetëvendosja do ta ketë të vështirë me rezolutën 1244. Kësaj rezolute i ka dalur afati dhe duhet një rezolutë e re. Por kush do ta merrte përsipër këtë që çështjen ta adresojënë OKB. Me këto maska në Shqipëri, Kosovë dhe Maqedoni nuk ecet përpara.
TVM2: Dhe fare në fund, cila do ishte porosia e juaj, veçanërisht për gjeneratat e reja. Ka shpresa që ai brumëzim i çështjes kombëtare edhe më tutje të frymojë ?
Xh. Zeqiri:  Patjetër, patjetër! Për arsye se shumica e të rinjëve janë duke ikur në perëndim dhe ata do e shohin se nuk ka më perspektivë atje. Atje i pret një asimilim i egër, një përbuzje e madhe, kështuqë një pjesë e tyre do dështojnë, do  humbin, do treten. Shumica do kthehen përsëri, s’kanë nga t’ia mbajnë, prandaj është e doemosdoshme që t’i kapim seriozisht gjërat. Të punojnë për vendin tonë, të interesohen për vendin tonë, për historinë tonë. Urrejtja ndaj pakicave tjera është shumë e rrezikshme, prandaj nuk është mirë t’i urrejmë turqit apo maqedonët, apo maqedonët t’i urrejnë shqiptarët. Derisa po vija këtu i pyeta katër persona dhe ata më thanë se nuk e kuptojnë gjuhën shqipe. Si ka mundësi që gjysma e Shkupit janë shqiptar, kurse gjysma tjetër maqedone. Duhet kuptuar dhe mësuar gjuhën e njëri-tjetrit. Pse i fola në gjuhën shqipe atij nuk i shkruante në ballë se ai është maqedon. Edhe një shembull tjetër desha ta them: Isha vtin e kaluar për pushim në Tetovë dhe para meje u ndalën një vajzë dhe një djalë, gazetar me Kamer të një televizioni dhe m’u drejtuan maqedonisht. Për fatin e keq unë nuk e njoh mirë maqedonishten dhe jo pse e urreja. Iu thash: Më falni a ka mundësi të flisni shqip?  Si t’ua drejtoja automatikun, aq shpejt kanë ikur prej meje. Është diçka përt’u habit, për çfarë e bën atë? Dhe fillova të mendoj: prej nga gjithë kjo urrejtje ndaj gjuhës shqipe ?  Edhe në vitin 2009 kur më ndalën policia, kërkova përkthyes, jo pse e urrej ndonjë popull unë maqedonët. Unë nuk urrej asnjë popull; urrej vetëm ata që më urrejnë mua ose që urrejnë popullin tim. S’kanë popujt faj, fajet i ka politika. Tani situata u stabilizua pak në Ballkan, prandaj duhet krijuar lidhje me popujt e Ballkanit, sepse kemi një interes ate ekonomik logjika ekonomike duet t` na shty drejt bashkpunimit, jetojmë në një hapësirë. Por, ajo që është shqiptare duhet të respektohet, megjithëkëtë me servilizëm nuk zgjidhet asnjë problem. Këto politika servile nuk më knaqin, të them të vërtetën, me cdo kushtë duet te largohen nga skena politike.
TVM2: Kanë mbetur edhe shumë tema për t’u diskutuar, megjithëse jetoni dhe punoni në Danimarkë, besoj se shpesh vini në Maqedoni, dhe për to do diskutojmë shumë shpejt gjatë këtij viti. Urojmë me libra të rinj, zotri Xhemil!
Xh. Zeqiri: Po patjetër, faleminderit!

TVM2: Edhe njëherë iu falënderoj që ishit pjesë e këtij emisioni.

About admin

x

Check Also

 TVM2: Të nderuar teleshikues mirëmbrëma! Këtë sezonë të ri të  emisionit “Open” e fillojmë me një protagonist shumë të veçantë, z. Xhemil Zeqiri i cili çështjen kombëtare e sheh si një strumbullar të vetëm që vetëm duke thënë të vërtetën edhe atëherë kur dhemb shumë dhe shton dhembjen e plagës, mund të zgjidhet çështja shqiptare.

Emisioni “Open” TVM2: Z. Xhemil, mirëmbrëma dhe  mirë se na erdhët në ...