Home / Intervista / Goxhaj e Zeqiri në Televizioni ALPO TV – Gjirokastë

Goxhaj e Zeqiri në Televizioni ALPO TV – Gjirokastë

ALPO Tv: Të nderuar teleshikues mirë se erdhët në emisonin e radhës “Avantazh”, ku sot do flasim për një temë të nxehtë dhe mjaft shqetësuese “Korrigjimi i kufijve Kosovë-Serbi”. Për këtë qëllim në studio kemi të ftuar z. Dilaver Goxhaj, ish zv. Shef Shtabi SHP i UÇK-së dhe z. Xhemil Zeqiri, veprimtar politik shqiptar në Danimarkë. Mirë se erdhët në emision!
D. Goxhaj: Mirë se u gjetëm!
ALPO Tv: Doja të bëja një prezantim të z. Dilaver, pasi që z. Dilaver është gjirokastrit, i lindur dhe i rritur në Gjirokastër, pastaj ka vazhduar aktivitetin e tij ushtarak në Tiranë. Ka të mbaruar Shkollën ushtarake “Skënderbeg”, Shkiollën e Bashkuar të Oficerave dhe Akademinë ushtarake të Shtabit të Përgjithshëm të shtetit shqiptar dhe pedagog në atë Akademi ushtarake derisa pastaj u lidh me Ushtrinë Vlirimtare të Kosovës, duke arritur deri tek niveli i zëv. I shefiut të shtabit të UÇK-së, kurse Xhemil Zeqiri është i lindur në Tetovë të Maqedonisë dhe tani është veprimtar politik në Danimarkë. Pa humbur kohë do fillojmë me pyetjen e parë, të cilën e kemi paraparë për sot: Do donim ta dinim z. Dilaver, si u lidhët me Ushtrinë Çlirimtare të Kosovës ?
D. Goxhaj: Fillesat e para me Ushtrinë Çlirimtare të Kosovës i kam më 5 mars të vitit 1998, kur filloi lufta në Prekaz. Unë në këtë periudhë isha liruar nga ushtria.(deri në fund të vitit 1994 isha pedagog në Akademinë e Shtabit të Përgjithashëm) Pastaj kalova mësues anglishteje në qytetin e Tiranës … Kështu, me të filluar lufta në Kosovë, unë fillova të shkruaja rreth asaj lufte, duke bërë vërejtje dhe duke dhënë mendime në gazetën “Rilindja”, e cila ishte zhvendosur në Tiranë. Në muajin gusht, kur Ushtria Çlirimtare e Kosovës pësoi një goditje të madhe nga ushtria e Serbisë dhe UÇK-ja shkonte pothuaja drejt shpartallimit, unë atë kohë bëra një analizë përmbledhse, të cilën e titullova ”Pse UshtriaÇlirimtare e Kosovës u detyrua t’i braktisë territoret e saj” , për të mos thëne pse u shpartallua. Dhe, pasiqë e argumentova këtë, dhashë idenë sesi mund të riorganizohet përsëri UÇK-ja. Ky shkrim dhe shkrimet e tjera botoheshin edhe në Prishtinë tek “Bota e re “ dhe”Bujku”’ por edhe në Zvicër. Kështu, më kërkuan dhe më gjetën. Fillimisht kontaktova me ish komandantin e ish Shtabit të Përgjithshëm të UÇK-së, Azem Sylën, i cili më pas ishte Ministër i Mbrojtjes, si dhe me Xhavit Halitin e Kadri Veselin, anëtarë të SHP të UÇK-së, të cilët ndodheshin e vepronin kryesisht në Tiranë. Kërkonin nga unë të dinin si mund t’u ndihmojë dhe të angazhohem drejtpërsëdrejti në luftë, në Kosovë. Të them të drejtën as vet nuk e dija këtë, mirëpo ata më kontaktonin pothuaja çdo ditë, sapo mbaroja mësimin në shkollë. Kur filloi Konferenca e Rambujesë u detyrova më në fund të shkoja në Kosovë. U nisëm përmes Maqedonisë për në Kosovë, së bashku me Hashim Thaçin dhe Kadri Veselin dhe atje më vendosën në detyrën e Zëvendësshefit të Shtabit të Përgjithshëm të UÇK-së, sepse kishin të dhëna se do ndërhynte NATO-ja. Këtë detyrë ma dhanë edhe për një fakt tjetër se unë, duke qenë pedagog i taktikës së Mbrojtjes Kundërajrore dhe të Aviacionit në Akademi, do të mbaja bashkëveprimin midis NATO-s dhe Ushtrisë Çlirimtare të Kosovës. Për këtë unë kisha dhjetë vite që e jepja lëndë në Akademinë e Shtabit të Përgjithshëm, dhe këtë punë e vazhdova derisa mbaroi lufta.
ALPO Tv: Mund të na thoni shkurtimisht se, si ishte atmosfera e komandantëve të UÇK-së, kush ishte në hierarkinë dhe a kishin të njëjtin mendim atëherë sikur tani HashimThaçi, Kadri Veseli dhe të tjerë?
D. Goxhaj: Qysh kur kontaktova me ta, u binda se kisha të bëja me idealistë. Edhe gjatë rrugëtimit që e bënim në këmbë nga Maqedonia për në Kosovë, pastaj pritat që ata i bënin kundër forcave serbe, lënien përshtypje vërtetë të idealistëve dhe mua më dukej vetja sikur unë qëndroja mbrapa tyre. Ata kishin fituar një besim tek të gjithë luftëtarët e UÇK-së, sepse ata i besonin idealit të tyre. Faktikisht, edhe pse vajtja në Rambuje u kundërshtua me ato kushte nga Demaçi, përsëri u besonim këtyre. Duke krahasuar Hashimin e atëhershëm me Hashimin e tanishëm, janë si dita me natën.
ALPO Tv: Pra, ata kanë ndryshuar qind për qind ?
D. Goxhaj: Ata kanë ndryshuar qind për qind. Ishte në pyetje marrja e pushtetit të Rugovës. Sepse pushteti të pasuron. Dhe, duke u bazuar në ngjarjet e këtyre viteve, vi në përfundim se ata s’paskan qenë idealistë.
ALPO Tv: Mund të kalojmë te Konferenca e Rambujesë. Çfarë mund të na thoni për Takimin e Rambujesë ?
D. Goxhaj: Rambuje është bëë në një kohë kur Amerika kishte problem me Klintonin. Më 12 shkurt ishte gjyqi i Klintonit me Monika Levinskin dhe Amerika nuk e mendonte fare Rambujenë, një Takim Ndërkombëtar për зështjen e Kosovës. Takimi i Rambujes ëshë inicuar nga Anglia, Franca dhe Italia. Kjo u inicua pasiqë ne shkëmbyem robërit. Më 13 janar të vitit 1999 kemi shkëmbyer 9 robër tanë me 8 ushtarë serbë që kishte kapur UÇK-ja. Të njëjtën datë gjithë mediat botërore dhanë lajmin për shkëmbimin e robërve. Ky shkëmbim i robërve e ngriti Ushtrinë Çlirimtare të Kosovës në nivelin e Ushtrisë serbe, mirëpo kjo nuk i interesonte Europës. Europa pas kësaj nxiti Serbinë të bënte Masakrën e Reçakut që të eklipsohej UÇK-ja, e cila ishte forca kryesore në Kosovë, kundrejt LDK-së së Ibrahim Rugovës. Madje, edhe Medlin Ollbrajt kishte deklaruar se janë munduar të parandalojnë Masakrën e Reçakut, por nuk e realizuan dot. Duke organizuar Masakrën, e patën si sebep për të organizuar Takim Ndërkombëtar, ndërkohë që Amerika nuk ishte për këtë Mbledhje. Kjo u realizua me urgjencë edhe për një arsye tjetër: Më 10 shkurt ishte caktuar mbledhja e Asamblesë Kombëtare e Kosovës, ku do të merrnin pjesë jo vetëm të gjitha partitë politike shqiptare në Kosovë, ku do merrnin pjesë edhe pakicat kombëtare.
ALPO Tv: Pra, ju mendoni se Anglia, Franca dhe disa shtete të Europës kanë vepruar me dy standarde?
D. Goxhaj: Ia bën me hile Amerikës dhe e filluan mbledhjen më 6 shkurt, katër ditë para se të mbahej Asambleja Kombëtare. Këtu është edhe hilja e parë e Hashim Thaçit, Kadri Veselit, Xhavit Halitit dhe Azem Sylës, sepse po të bëhej Asambleja Kombëtare, në krye do të dilte Adem Demaçi. Ky ishte organizatori i asaj Asambleje me kërkesën e vet SHP të UÇK-së; ai ishte udhëheqës politik I saj. Po të vihet re, deri më 13 shkurt nuk marrin pjesë amerikanët. Më datë 12 shkurt fitoi gjyqin Klintoni, atëherë më datë 13 Medllin Ollbrajt erdhi në Paris. Posa erdhi në Paris u tha serbëve që ta nënshkruanin, sepse është në favorin tuaj. Mirëpo, projektmarrëveshja e Rambujesë dhe vet Marrëveshja e Rambujesë e parashikon Kosovën si pjesë të pandarë të Serbisë, rreth 12.000 forca policore dhe ushtarake, kufijt t’i kontrollone Serbia, doganat etj. Kur ata thanë jo, sepse Millosheviçi u kishte thënë të mos e nënshkruajnë, atëherë vajti tek shqiptarët dhe u tha, nëshkruani ju se është në favorin tuaj përderisa nuk e nënshkruajnë serbët. Por, para se të nënshkruajnë, u tha që të formojnë një Qeveri të Përkohshme. Kur u fut Amerika në lojë, automatikisht dihej se lufta do të fitohej. Pra, u ra në dakord që të formohej Qeveria e Përkohshme, të cilën do ta kryesonte Ushtria Çlirimtare e Kosovës. Rugova pranoi, por me një kusht që kryeministër të ishte Jakup Krasniqi. Jakup Krasniqi kishte qenë një kohë në kryesinë e LDK-së, ish i burgosur politik. Hashim Thaзi, i cili ishte caktuar udhëheqës i delegacionit, tha se ne nuk e nënshkruajmë se kush do jetë kryeministër, pa i pyetur komandantët në terren. U kthyen, erdhën në terren dhe i kontaktuan një nga një komandantët, vetëm për vetëm dhe, Hashim Thaçi u kthy përsëri, ku deklaroi se komandantët duan që unë të jem kryeministër.
ALPO Tv: Domethënë, vendosi vet ?
D. Goxhaj: Vet! Këtu kishte kundërshtim me Demaçin. Ai nuk e pranoi Rambujen, sepse thoshte se duhet hequr dhjetë kufizimet që i janë vënë UÇK-së. Ai u tha se, sipas Projketmarrëveshjes Ushtria Çlirimtare nuk do të jetë ushtri edhe pas luftës, nuk do të jetë ushtri e Kosovës; Kosova do të jetë pjesë e Serbisë dhe jo shtet në vete. N vend që kur të përfundonte lufta, ushtria serbe t’i dorëzonte gjithë зka kishte, sepse ishte palë humbëse. Dhe disa pikat e tjera që ishin në dëm të Kosovës. Pa ndryshuar këtëo pika, nuk duhej nënshkruarRambujeja. Ky ishte pozicioni i Demaçit. Aden Demaçi nuk ishte kundër Rambujesë, por ishte kundër Projekt Marrëveshjes; të korrigjohej kjo dhe të ulemi në bisedime. Mirëpo, këta e firmosën Marrëveshjen siç ishte projekti dhe u kthyen në Kosovë. Serbët nuk e nënshkruan dhe kjo të lë të dyshosh. Pse të lë të dyshosh? Sepse, Medllin Ollbrajt në memoriet e saj thoshte se unë kisha marrë me vete edhe një kolonel të aviacionit amerikan, me uniformën në valixhe, por në cilësinë e diplomatit. Dhe, kur u nënshkrua Marrëveshja nga delegacioni i Kosovës, atëherë i dhash urdhër që të vishte uniformën, sepse francezët nuk lejuan që të vinte përfaqësuesi I NATO-s t’u jepnin udhëzime shqiptarëve dhe ua dha ky colonel amerikan. Pra, e gjitha ishte e parapërgatitur.
ALPO Tv: Për angazhimin e NATO-s e kemi edhe z. Xhemil këtu, çfarë mund të na thuani z. Xhemil?
Xh. Zeqiri: Unë pajtoherm plotësisht me ato çka i tha z. Dilaver. Edhe unë jam munduar në Danimarkë me miqtë danezë, si gazetarë, diplomatë dhe qeveritarë që ta sensibilizojmë situatën dhe problemin shqiptar, kështuqë unë kam shkuar në atë parimin se neve na mohohet e drejta sociale dhe nacionale. Kjo ka qenë pikënisja ime në aktivitetin politik dhe të gjitha shkrimet apo letrat drejtuar institucioneve daneze, europiane, por edhe OKB-së. Ka qenë kjo, sepse neve na mohohet e drejta sociale dhe nacionale. Mirëpo, kur erdhi intervenimi ushtarak i NATO-s, natyrisht ne kërkonim mbrojtje ndërkombëtare dhe unë asokohe haptas në televizionin danez pata deklaruar se, më mirë është që Kosova të njihet ndërkombëtarisht ose të armatosemi, sesa të merret në mbrojtje. Por këtë nuk e pranonin. E kam pasur një debat politik me Ministrin e Mbrojtjes danez, i cili më tha se vetëvendosja e as pavarësia nuk vinë në shprehje, por duhet intervenuar për çështje humanitare e kështu me radhë. I thashë se Titoja ka vrarë 70 mijë shqiptarë, Millosheviçi deri më tani ka vrarë 14.000 shqiptarë gra, fëmijë, pleq e të rinj të pafajshëm dhe nuk ka bërë kaq vrasje ndaj shqiptarëve as Hitleri ndaj shqiptarëve gjatë luftës së dytë botërore. Ju, Evropa kurrë nuk i dënuat as krimet e Titos por as të Millosheviçit. Evropa as sot nuk na garanton që pas bombardimeve, parvarësisht sa do zgjasnin ato, të kemi të drejtën të vendosim për fatin tonë, të ardhmen tonë. Apo, do na thoni: uluni me serb dhe merruni vesh sa të drejta do iu japin ata. Dhe shoh se paskam pas të drejtë, sepse këto bisedime që po mbahen në Vjenë e gjetiu po bëhen pazare me të drejtat tona. Duhet të kemi parasysh se Kosova është shpallur Republikë parlamentare e jo Republikë presidenciale siç dëshiron Serbia.
ALPO Tv: Po pse pra tërë ky konspiracion ndaj shqiptarëve nga të gjitha palët dhe i të të gjithë pjesëmarrësve në këtë skenë ?
Xh. Zeqiri: Për këtë më së miri mund ta shpjegojë kolonel Goxhaj, i cili ishte në Kosovë.
D. Goxhaj: Nuk mund të themi për të gjitha palët, sepse po të kemi paraysh atë ditë kur filloi NATO-ja bombardimet në Kosovë, edhepse ishte nënshkruar Marrëveshja në disfavor të Kosovës, Klintoni në televizionin kombëtar tha: Meqenëse Serbia nuk deshi të tërhiqej nga Kosova, asnjë ushtar e as polic nuk do qëndrojë më në Kosovë. Pra, Klintoni i tha Europës se, meqë deshe të bësh hile, unë tashi s’ta njoh atë hile. Dhe gjithзka çka ështe arritur deri më tani ështe meritë e Amerikës, për arsye se shtetet kryesore të Europës, përjashtuar Gjermaninë, kanë bër gjithë ç’është e mundur që të na pengonin. Me të filluar bombardimet, unë hyra në kontakt me përfaqësuesin e NATO-s , ku shtabi erdhi në Kumanovë dhe një nga kërkesat e tij ishte kjo: Kur të na jepni të dhënat për vendndodhjen e forcave serbe dhe ato tuajat, do na i jepni vetëm atëherë kur avionët amerikanë dhe anglezë janë ose kanë radhën të jenë në ajër, kurse kur avionët tjerë janë në ajër, ju mos na i jepni. Faktikisht, të gjitha goditjet që janë bërë kundër forcave të UÇK-së dhe popullsisë, janë bërë nga aviacioni francez, jo nga aviacioni amerikan. Kur mbaroi lufta, ne pranuam që të rrimë edhe tre muaj me uniformat e UÇK-së, pastaj të ktheheshim në Trupat Mbrojtëse të Kosovës e pastaj të fillojë procesi i çarmatimit. Në këtë periudhë kalova në detyrën e zëdhënësit të Shtabit të Përgjithshëm të UÇK-së dhe TMK-së. Me këtë rast i bëmë një shkresë Komandantit të KFOR-it, gjeneralit Xhekson, me pyetjen se, si është e mundur që gjatë rrugës forcat tona keqtrajtohen nga forcat e KFOR-it, kurse ai na e ktheu përgjigjen: Janë 19 shtete, hajde t’i kthesh në një mendje të nëntëmbëdhjetë shtetet!
ALPO Tv: Ndërkohë që një pyetje tjetër kisha për Marrëveshjen e çmilitarizimit të UÇK-së?
D. Goxhaj: Kjo është bër më 18 deri më 21 qershor, në bisedimet treditëshe në Fshain e Ri, në Malet e Berishës, në Drenicë. Bisedimet i drejtonte gjenerali anglez, Xhekson, i cili njëherit ishte edhe emëruar edhe Komandant i KFOR-it, kurse nga pala e jonë kanë marrë pjesë, pothuaj i gjithë Shtabi i Përgjithshëm. Mua m’u caktua detyra të isha zëdhënës i kësaj Konference dhe të mbaja dhe protokollin. U diskutua mjaft gjatë. Një gjë që ishte interesante kishte të bënte me atë se na u tha që do fliste vetëm Agim Çeku! Dikur u inkuadruan edhe Jakup Krasniqi; ne të tjerët nuk kishim të drejtë të diskutonim. Ajo që më bëri përshtypje ishte gjenerali Xhekson kishte pranë një oficer dhe një civil. Në dorë kishin një kopje të Marrëveshjes së Bosnjes. Ne e kundërshtuam në shumë pika. Kur nuk kishte ç’të na thoshte, tërhiqej dhe na drejtohej: Pritni një herë t’i pyes këta, sepse janë më të mençur sesa unë. Pastaj konsultohej me ta e më pas na jepte përgjigje ose kërkonte pushim gjysëm ore. Kurse, ne i jepnim përgjigje menjëherë. Agim Çeku i dinte të gjitha!!! Por ne arritëm ta fusnim një pikë aty, ku UÇK-ja të transformohej ngjashëm me Gardën Kombëtare Amerikane. Mirëpo kjo nuk u realizua, sepse Garda Kombëtare Amerikane ka nën kontroll edhe doganat, edhe lundrimin e jashtëm dhe të brendshëm të Amerikës. UÇK-ja s’mori asgjë!
ALPO Tv: Sa pjesëtar kishte UÇK-ja në radhët e saj?
D. Goxhaj: Ka hyrë një diskutim i ri lidhur me këtë punë, sepse tani në lista kemi 60 mijë, por ne nuk i mbushnim kurrë 20 mijë, përfshirë këta që erdhën nga diaspora dhe sulmuan nga Shqipëria në drejtim të territorit të Kosovës. Nga Shqipëria u sulmua me 5000 forca që erdhën nga Diaspora dhe shtetas të Shqipërisë. Shqiptarë të Shqipërisë janë 150 veta, nga këta 32 dëshmorë, pjesa më e madhe e të cilëve ishin furnizues me armë nga Shqipëria në Kosovë. Këta vriteshin në prita ose binin në mina të vendosura nga serbët. Vetëm nga Kruma kemi 16 dëshmorë. Gjithë Shqipëria mbështeti luftën në Kosovë e në veçanti Hasi. Edhe bombardimet që bëri ushtria serbe me artileri, në Has janë bërë. Serbia kishte arritur të minonte tre kilometra territor në thellësi të vendit tonë. Nga këto mina, pas luftës, kanë ngelur invalidë 63 veta. Ky është numri i përafërt i pjesëtarëve të UÇK-së. Dmth, nuk i kalon 20 mijë veta.
ALPO Tv: Shumica nga këta nuk marrin pension, ndërkohë që të tjerët marrin.
D. Goxhaj: Ja unë jam njëri nga ta që nuk marr pension. E rritën numrin për të marrë vota. Të mos harrojmë se në Kosovë është jeta e fisit dhe po të marrë unë pension, gjithë votat e fisit shkojnë aty ku them unë.
Xh. Zeqiri: Kjo është një lloj kapje e shtetit.
ALPO Tv: Për Marrëveshjen e Kumanovës do dojatë dija diç më tepër?
D. Goxhaj: Kur u bë Marrëveshja e Kumanovës nuk u thirr Ushtria Çlirimtare e Kosovës. Kjo është për fajin e Shtabit të Përgjithshëm, por është edhe përshkak të mungesës së udhëheqjes politike. UÇK-ja pas majit të vitit 1998 nuk pati udhëheqje politike. Një luftë çlirimtare, një Ushtri Çlirimtare, po s’pati udhëheqje politike, nuk di se si të veprojë. Pika më e dobët e kësaj lufte ishte pikërisht kjo. Duke mos pasur udhëheqje politike dhe duke e marr rolin e saj njëfarë Drejtorie Politike me katër veta, si mund ta udhëheqin një luftë katër veta?!
ALPO Tv: Mendoni se ka sabotuar kjo udhëheqje politike?
D. Goxhaj: Po, absolutisht!
ALPO Tv: Flitet se Franca ka përpunuar shumë liderë aktualë të skenës politike, në mesin e tyre edhe Thaçin dhe kryeministrin akutual Haradinaj, duke e mbajtur për katër muaj.
D. Goxhaj: Më vjen mirë që keni ardhur deri te ky përfundim. Një ditë të bukur, nga data 15 apo 16 maj më merr në telefon nga Brukseli Hashim Thaçi, i cili pesë ditë kishte që ishte larguar nga Kosova pas kthimit nga Marrëveshja e Kumanovës dhe kishte ndalur atje, dhe më thotë: Kanë ardhur tre gazetarë dhe janë në Kumanovë. Do t’i shoqërojë “Mjekrra” . Ata kërkojnë të vinë në Shtab të Përgjithshëm dhe këtë gjë ua ngarkoj juve. Këta hiqeshin si gazetarë, por ishin tre oficerë francez të zbulimit; njëri ishte i shtetit, njëri i ushtrisë dhe njëri i Legjionit të të huaj frances. Ata arritën tre ditë më pas. Sa erdhën s’më lanë mua t’i kontaktoja. Në ndërkohë, djali im, të cilin e kishin angazhuar amerikanët në luftë, shoqërues dhe ndërlidhës midis SHP të UÇK dhe atyre më telefonon dhe më thotë se disa oficerë amerikanë duan të vinë në Shtab të Përgjithshëm. Isha unë, Agim Çeku dhe Kadri Veseli; të tjerë s’kishte aty dhe u them se, amerikanët duan të vinë në Shtabin e Përgjithshëm. Jo- më thanë. Po pse ?- i pyes. Sepse kemi francezët-u përgjigjën. U thash: luftën e bëri Amerika, nuk e bën francezët! Atë e dimë ne!- më thanë. Dhe vazhduan: Mos i trego djalit se ne kemi francezët këtu! Dhe, unë normalisht se nuk i tregova. Ata pas lufte e kuptuan pastaj kush ishin francezët.
ALPO Tv: Shumë konjuktura të koklavitura këto dhe shumë pikëçuditëse ka ngritur qëndrimi i Francës ndaj shqiptarëve. Ndoshta edhe investimet franceze në Serbi kanë bërë që të mbajë anën e Serbisë. Ndoshta ka edhe arsye tjera që gjithë Europa po mban qëndrim antishqiptar, mirëpo le të kalojmë tek situata më aktuale dhe ajo është situata në Kosovë: Çfarë po ndodh me idenë e shkëmbimit të territoreve dhe korrigjimin e kufijve Kosovë- Serbi?
D. Goxhaj: Unë jam në rrjedha të këtyre ngjarjeve, kam ndjekur situatën, por për këtë do t’ia kaloja fjalën Xhemilit. Le të flas Xhemili!
Xh. Zeqiri: Tani situatat janë të tilla që duhet vëmendje e shtuar. Por, para se të flas për këtë temë, desha të shtojë diçka lidhur me udhëheqësit politikë në Kosovë. Është interesante se ka vite që kam punuar në organizimet ilegale dhe asnjëherë nuk kam dëgjuar të kenë shkruar Hashim Thaçi dhe Kadri Veseli ndonjë artikull, të kenë dhënë ndonjë intervistë apo diçka të ngjashme. Apo edhe Agim Çeku. Dhe është çudi sesi këta na erdhën në udhëheqësinë apo hierarkinë politike? Madje, disa shokë tanë, të cilët ishin në luftë kanë kërkuar që të dalin në veriun e Mitrovicës, sepse serbët bënin masakra ndaj shqiptarëve. Mirëpo, Agim Çeku i kishte ndaluar duke u thë se, po kaluat lumin Ibër, do iu bombardoi NATO-ja. Ky është një dyshim i madh, posaçërisht kur është fjala për Hashim Thaçin. Hashim Thaçi ka qenë njeri i puçeve. Hashimi, Kadriu dhe Xhaviti edhe Lëvizjen Popullore të Kosovës e morën me puç, në maj të vitit 1998 në Zvicër dhe më pas në Tiranë. Pastaj, Hashim Thaçi me puç e mori edhe UÇK-në, duke e larguar Adem Demaçin si përfaqësues politik të UÇK-së, duke i zëvendësuar me të tjerë. Edhe në Shqipëri ndodhi e njëjta gjë: E larguan Fatos Nanon dhe e sollën Pandeli Majkon dhe Ilir Metën dhe këtu ata vepronin siç donin vet. E njëjta gjë ndodhi edhe kur Bardhyl Mahmuti mori partinë, me puç u bë kryetar partie i PDK, me puç u bë edhe president. Pra, është njeri i puçeve dhe si i tillë është shumë i rrezikshëm. Tani po dalim tek situata e ndryshimit të kufijve. Me sa di unë, është një standard ndërkombëtar se kufijt nuk do ndërrohen dhe Kosova u shpall në ata kufij administrativ që kanë qenë gjatë ish Federatës Jugosllave. Problemi qëndron këtu se amerikanët dhe fuqitë e mëdha kanë një standard se kufijt mund të ndërrohen vetëm në marrëveshje midis palëve. Kjo marrëveshje mes palëve është pikërisht kjo me Malin e Zi, ku iu dhanë malazezëve 8200 hektarë. Harrohet se 2500 hektarë iu dhanë edhe Maqedonisë si peshqesh për njohjen e pavarësisë së Kosovës.
ALPO Tv: Si mund të zgjidhet pra çështja e kufijve kur në krye të bisedimeve kemi Hashim Thaçin, i cili më shumë punon për vete se për Kosovën?
Xh. Zeqiri: Problemi qëndron këtu se, Kuvendi i Kosovës ka në krye të tij një anëtar të PDK-së, zëvendës i Hashim Thaçit, edhe në luftë kanëqenë bashkë, kështu që e kanë kapur shtetin. Tani shteti nuk funksion; Kuvendi nuk funksionon, Qeveria nuk funksionon, sepse Lista serbe ka dalur nga Qeveria, prandaj është jolegjitime Qeveria e Kosovës. Faktikisht, do bie qeveria dhe Kuvendi do shpërbëhet dhe vendi do shkojë në Zgjedhje. LVV, e cila është një Lëvizje gjithëpopullore në Kosovë ka një vizion për mbrojtjen e interesave të shumicës shqiptare në Kosovë dhe rajon. Ajo ka kërkuar që të bëhet një delegacion nga Parlamenti i Kosovës që të shkohet në negociata, por të përgatitet një program pune sesi të bisedohet dhe për çfarë të bisedohet. Madje, Albin Kurti ka propozuar që nuk duhet të përmendet fare kryenegociatori i Kosovës në bisedime me Serbinë, pra se të fillojnë bisedimet si duhet. Pse të dihet nga mediat se kush do jetë atje? Mirëpo, ky klani, që në Kosovë njihet si Klani PRONTO, mundohen ta mbajnë pushtetin me çdo kusht. Këta kanë bër kërdi pas luftës, por edhe në luftë flitet për të njëjtën gjë, për financat e kam fjalën. Po edhe pas luftës korrupsioni, shitën fabrikat, një privatizim i egër etj. Këta me çdo kusht duan të shpëtojnë veten, sepse Serbia po i maltreton përmes mikes saj, Francës, duke i mbajtur peng për kinse t’i shpëtojë nga Gjykata Speciale. Pra, këta janë duke e dëmtuar çështjen shqiptare, vetëm që të shpëtojnë veten. Hashim Thaçi, Kadri Veseli, Xhavit Haliti dhe kjo mafia në Kosovë që quhet Klani Pronto.
ALPO Tv: Çfarë mund të lindin ato bisedime, si do rrjedhin ngjarjet më vonë?
Xh. Zeqiri: Tani nëse fillohet të ndryshohen kufijtë, nuk e kuptoj si mund të bëhet kjo. Të merret territor shqiptar që të jepet territor shqiptar?! Mund të ketë zhvillime të reja, sepse tani në shtator kanë filluat protestat dhe demonstratat nga LVV. Popullata është e pakënaqur në Kosovë me rrjedhat politike, me ngjarjet, por edhe me negociatat, sepse Hashim Thaçi asnjëherë nuk doli në Kuvend të raportojë se deri ku kanë arritur me bisedimet. Pra, të gjitha i bën në mënyrë të fshehtë, vetëm se herë-herë deklaron se do kemi marrëveshje të dhimbshme e kështu me radhë. Kjo e ka revoltuar situatën. Edhe ne shqiptarët që jemi në Maqedoni janë duke u acaruar me politikën e Hashim Thaçit dhe Kadri Veselit, të cilën e quajnë tradhti kombëtare, pasi s’ka si të quhet ndryshe.
ALPO Tv: Po politika zyrtare e Tiranës, çfarë qëndrimi ka mbajtur?
Xh. Zeqiri: Po këta e kanë gjetur mbështetjen e politikës sëjashtme të Titanës, sepse po t’i udhëzonte ajo për mirë do ishte më ndryshe. Si është e mundur që kur u bë kryeministër Rama, mori këshilltarë njerëz të dyshimtë? Mori Shkëlzen Maliqin dhe disa të tjerë, të cilët kanë qenë gjithmonë bashkëpunëtorë të Serbisë. Unë kam qenë i mendimit se, nëse
futemi në negociata me Serbinë duhet që të hyjë edhe qeveria shqiptare në bisedime, sepse Kosova nuk është e barabartë.
ALPO Tv: Ju thoni se Tirana qëndron indiferente karshi këtyre zhvillimeve?
Xh. Zeqiri: Po, indiferente, sikur nuk sheh, nuk dëgjon!
ALPO Tv: Thua se e ka lën në mëshirë të fatit.
Xh. Zeqiri: Më mirë do themi se e pranon lojën e Hashim Thaçit me Serbinë. E kundërshtoi vetëm rreth mos ndërrimit të kufirit, mirëpo e gjithë llumi që është bër këtu, besoj se nuk do të lejohet as nga amerikanët dhe as nga europianët. Kjo, sepse po të ndryshohet kufiri atëherë do hapej kutia e Pandorës, siç thuhet, mirëpo këtë e di edhe Hashim Thaçi. Prandaj, ai është duke u munduar të realizojë atë që quhet “Zajednica”, krijimi i komunave me shumicë serbe. Ky bashkim është një marrëveshje raciste. Shtet brenda shtetit.
ALPO Tv: Si mund të lejohet kjo, ndërkohë që Serbia nuk ka reciprocitet në trojet serbe?
D. Goxhaj: Për mua është një propagandë për interesat e tyre meskine, sepse dimë që në vitin 1954, Titoja ka bër disa ndryshime të kufijve të brendshëm të Kosovës me Serbinë; i hoqi Kosovës pjesën lindore që ndryshe quhet Lugina e Preshevës dhe i dha tre komunat serbe në Mitrovicën veriore: Leposaviзin, Zubin Potokun dhe Zveçanin. Pse nuk thonë se do kthehemi në arta kufij që kishte Kosova, dhe do ishte normale, do pranohej. Për mua gjithë kjo është për interesa
personale, për të bër zhurmë, bujë dhe për të realizuar ca interesa të tyre.
ALPO Tv: Në mos është kjo gjithë përpjekia për të marr “Trepçën”?
D. Goxhaj: Pikërisht kjo është!
ALPO Tv: Ti bashkohet komplet pjesës veriore ?
D. Goxhaj: Jo komplet, sepse industria është në pjesën e jugut, por qëllimi është te “Zajednica” .
ALPO Tv: Të bëhet një Bosnje e dytë këtu?
D. Goxhaj: Pikërisht! Një Republika Sërpska, një shtet brenda shtetit. Mirëpo, këto bisedime janë bër midis Thaçit dhe Vuзiçit, pa lejen e Parlamentit. Firma e Thaçit nuk vlen pa miratimin e Kuvendit, sepse Kosova është Republikë parlamentare dhe nuk është presidenciale.
ALPO Tv: Nuk ka opcion tjetër për t’i kontrolluar veprimet eThaçit, përveз Lëvizjes Vetëvendosje ?
D. Goxhaj: Sot vetëm Lëvizja Vetëvendosje, por e kundërshton edhe LDK-ja.
Xh. Zeqiri: LDK-ja e kundërshton, por kur vjen puna tek vendimet e mëdha, ajo e mbështet Thaçin. Me votat e LDK-së, Thaçi u bë president. Me votat e LDK-së iu dha mandati për negociata, por edhe iu dhurua territor Malit të Zi. LDK-ja janë ish anëtarë të Partisë Komuniste Jugosllave që njihen në Kosovë si titistët, të cilët mundohen me çdo kusht që ta mbështesin këtë në stilin: ti më ndihmo mua, unë të ndihmoj ty!
D. Goxhaj: Unë po ua jap një fakt interesant: Kur vajta në Kosovë, më thanë që të them se jam nga Struga, mos trego që je nga Shqipëria, për të mos ngatërruar shtetin shqiptar. Por, kur flisja me ushtarë, ata e vërenin nga dialekti se unë nuk jam nga Kosova. Dhe, kur iu tregoja se jam nga Gjirokastra, lënin frontin, linin trashenë dhe vinin më preknin e më puthnin. Derdhnin lot! Unë befasohesha dhe i pyeta se ç’është ky ngazëllim? Ata më thonin se propaganda e LDK ishte se Gjirokastra lufton për Greqinë. Ja se çfarë propagande kishte bër LDK-ja e Rugovës. Edhe Berisha, njësoj!
Xh. Zeqiri: Kjo lojë është luajtur me vite, që nga viti 1991.
ALPO Tv: Gjithmonë na kanë sulmuar me propagandë, me mashtrime, me kurthe, me intriga. Nuk di si do vete halli i shqiptarëve, cila do jetë zgjidhja do doja të dëgjoja në fund, si një përrmbledhje e këtij emisioni? . D. Goxhaj: Unë besoj se do fitojnë shqiptarët, sepse kemi mbështetjen e Amerikës. I mjerë ai që nuk ka një mik të fuqishëm. Pa miq, nuk bëhet gjë. Amerika na ndihmoi për kufijt që kemi sot. Amerika do na ndihmoi sërish, pavarësisht se këtë do duhej ta kishte bërë porsambaroi lufta.
ALPO Tv: Vendosmëria e ambasadorit amerikan ose zëdhënësit të ambasadës amerikane kur tha se do vendosen palët për shkëmbime territoresh. Tani dihet mirë se Europa është kundëre nesh, por Amerika nuk e di vallë faktin se ne nuk jemi palë në këto bisedime dhe nuk kemi një përfaqësues që mbron interesat tona, kur dihet nga biseda që doli që, Hashim Thaçi është më shumë me palën serbe, sesa shqiptare?
D. Goxhaj: Po s’mori pjesë Amerika në tavolinë, këto bisedime do jenë bisedime koti.
ALPO Tv: Unë iu falënderoj që ishit sot në Gjirokastër, në Alpo Televizion! Shpresoj të na kenë ndjekur në diasporë dhe gjithandej nëpër botë si dhe uroj të takohemi sërish edhe në biseda të tjera të radhës. Iu dëshiroj një mbrëmje të qetë! Mirupafshim!
Bisedoj, Aristotel Pedro
Gjirokastër,27 /08 / 2018
Se kildebilledet
Dilaver Goxhaj

About admin

x

Check Also

 TVM2: Të nderuar teleshikues mirëmbrëma! Këtë sezonë të ri të  emisionit “Open” e fillojmë me një protagonist shumë të veçantë, z. Xhemil Zeqiri i cili çështjen kombëtare e sheh si një strumbullar të vetëm që vetëm duke thënë të vërtetën edhe atëherë kur dhemb shumë dhe shton dhembjen e plagës, mund të zgjidhet çështja shqiptare.

Emisioni “Open” TVM2: Z. Xhemil, mirëmbrëma dhe  mirë se na erdhët në ...