Home / Opinion / Lexo shumë, por kujdesu që të mos bëhesh budalla!

Lexo shumë, por kujdesu që të mos bëhesh budalla!

Pleqtë thonin dikur se, kush lexon shumë, bëhet budalla! Deri tani e kam marrë këtë thënie si marrëzi, por çdo ditë po lexoj mesele të reja, dhe kam frikë se pleqtë paskan pasë të drejtë, të paktën deri dikund.
Sot e lexova një intervistë të një intelektuali të nderuar shqiptar. Ai fliste në një intervistë për një teori të Platonit mbi shtetin. Ky filozofi pellazgo-grko-iliro-dardan, paska nxjerrë hipotezën se, çdo formë e sundimit mund të marrë njërën nga dy cilësitë që ndërlidhen me vizionin politik: njëra trajtë që orientohet në arritjen e mirëqenies së popullit, dhe tjetra që bazohet ekskluzivisht në interesat e sundimtarëve.
“Kasta sunduese në Republikën e Kosovës, sado formalisht (apo sa për sy e faqe) ka pranuar parimet e shoqërisë demokratike, vazhdimishtë i ka shërbyer me zell thellimit të polarizimit ekstrem dhe, në vend të kompromiseve dhe debatit, ka imponuar vetëm vullnetin e saj,” shkruante ai.
Në rastin e Kosovës, shihet qartë tash e mbi njëzetë vite, se kemi të bëjmë me “demokracinë” të cilën historiani pellazgo-greko-iliro-dardanë, Polybios, i cili jetoi para rrethë 2200 vitesh, e cilësonëte atë si OLHOKRATI, që në gjuhën e sotme shqipe përkthehet si sundim apo udhëheqje nga fundërrinat.
Nga deklaratat e intelektualit që mezi u shpëtojë nismave të olhogratëve, që ta bënin kurban për t’i shlyer gjynahet e tyre, mësova se nga viti 1992 deri në vitin 1998, udhëheqës politik i LPK-së dhe UÇK-ës paska qenë profesori Behadin Allaqi. Në maj të vitit 1998, tashmë të ndjerin e paska pas arrestuar policia ushtarake e UÇK-ës dhe e paskan mbajtur në burg në Kleçkë, në zonën që ka qenë nën përgjegjësinë e komandantit Çeliku (Fatmir Limës).
Sipas dëshmisë së intelektualit që veçsa nuk përfundoi si kurban, Allaqi qenka dorëzuar në korrik ose gushtë të po atij viti nga përgjegjësit e burgut të Kleçkës te drejtoria politike e UÇK-ës, konkretishtë në duart e Hashim Thaçit dhe Kadri Veselit. Aty humbin të gjitha gjurmët e zotit Allaqi, dhe ai llogaritet si njeri i zhdukur, një viktimë e pafajëshme pa varr dhe, ndonëse i shpallur hero, pa monumentë.
Dikur në muhabetet e odave flitej se herët a vonë, nëse nuk flasin autorët e krimit, viktimat e pafajëshme flasin vetë nga varri!
Këto dyshime rreth zhdukjes apo vdekjes misterioze të zotit Allaqi, mua përsonalishtë më tingëllojnë si teori konspirative. Por, përderisa nuk deklarohen dhe nuk flasin publikishtë të apostrofuarit si autorë të krimit në rastin Allaqi, kjo lë të kuptohet se akuza ka bazë të qëndrueshme.

About admin

x

Check Also

Aktiv

INTERVISTË/ Sadri Ramabaja: Kjo është e vërteta ime ndaj “Syrit të Popullit”!

12/09/2020 Almakos ka realizuar një intervistë me profesorin Sadri Ramabaja, i cili ...