KUSH JANË DHE PREJ NGA JANË MBI 400 MIJË NJERËZIT QË KANË MARRË SHTETËSI TË REPUBLIKËS SË MAQEDONISË DHE NUK JANË BANORË TË SAJ?!

“Në bazë të të dhënave të azhurnuara për shtetësitë e dhëna në Maqedoni, sipas burimeve të përmendura, ka mbi 2,4 milionë shtetësi të dhëna, nga të cilat:

1.883.612 (72,66 %) janë deklaruar si maqedonas,

375.601 (16,7 %) – shqiptarë,

53.879 (2,66 %) – romë,

77.959 (3,85 %) – turq,

35.939 (1,78 %) – serbë,

17.018 (0,84 %) – boshnjakë,

9.695 (0,48) – vllahë dhe

20.993 (1,03 %) – të tjerë.

Kjo domethënë se gjithsej 27,34 % e qytetarëve të Maqedonisë nuk janë me përkatësi kombëtare maqedonase.”

(Gazeta “Nova Makedonija”, 5.12.2018, Shkup)

Manipulimi dhe falsifikimi i të dhënave për numrin e banorëve dhe numrin e votuesve përbën një nga krimet e rënda mbi njerëzimin, kur këto përdoren për interesa të pushtetit me qëllime sundimi të një populli mbi të tjerët, apo të një klase politike të korruptuar dhe kriminale mbi qytetarët e shtetit përkatës.

Si ka mundësi të heshtet, të mos problematizote dhe denoncohet një nga mashtrimet dhe falsifikimet më të mëdha që ka kryer pushteti i mëparshëm në Maqedoninë Veriore me dhënien e shtetësive dhe pajisjen me dokumente personale (një pjesë e tyre e përfshirë edhe në Listën e përgjithshme të votuesve.

Mediet e vendit kanë shkruar për këtë çështje disa herë dhe nuk përbën fshehtësi se organet e pushtetit të mëparshëm kanë dhënë mbi 2 milion e katërqind mijë shtetësi, ndërsa me asnjë të dhënë zyrtare nuk është dëshmuar deri më sot se numri i banorëve në këtë shtet ka arritur mbi 2 milion e 100 mijë banorë (sipas Entit shtetëror të statistikës në Shkup, në muajin dhjetor 2019 në Maqedoninë Veriore ka pasur gjithsej 2.076.255 banorë). .

E gjithë kjo është bërë nga pushteti vetëm për ta ulur numrin dhe përqindjen e banorëve shqiptarë në këtë shtet. Çfarë domethënë ky ndryshim, kjo përmbysje e gjendjes reale, ky diskriminim, shovinizëm dhe racizëm i hapur, që nuk ka mundur të ndoshë në asnjë shtet tjetër, as nga regjimet më diktatoriale të kohës?!

Në një shtet të vogël me afërsisht 2 milion banorë, dhënia e mbi 400 mijë shtetësive banorëve të panjohur, nuk përbën vetëm një skandal, por KRIM TË ORGANIZUAR, që fatkeqësisht ka mbetur i pa sqaruar dhe pandëshkuar deri më sot!

(28.VIII.2020)