Home / Lajme / Takimi “misterioz” ndërmjet Thaçit, Lushtakut, Veliut dhe Skender Hysenit në një lokal në Prishtinë

Takimi “misterioz” ndërmjet Thaçit, Lushtakut, Veliut dhe Skender Hysenit në një lokal në Prishtinë

 24 KORRIK 2020

Skender Hyseni, Hashim Thaçi, Agim Veliu dhe Sami Lushtaku

 

Rreth emërimit të Skender Hysenit si koordinator i dialogut me Serbinë, ka folur analisti politik Gurakuç Kuçi, i cili për “Bota sot” ka deklaruar se emërimi i Hysenit në atë pozitë ka ardhur si rrjedhojë e një takimi që është mbajtur ndërmjet, Hashim Thaçit, Sami Lushtakut, Agim Veliut dhe Skender Hysenit.

Ai ka thënë se emërimi i Hysenit si koordinator tregon një ikje nga përgjegjësia e kryeministrit Hoti dhe tregon paaftësi për menaxhimin e negociatave.

“Emërimi i, Skender Hysenit, ka ardhur si rrjedhojë e një takimi që është mbajtur ndërmjet Hashim Thaçit, Sami Lushtakut, Agim Veliut dhe Skender Hysenit, të martën (21.07.2020) në një lokal në afërsi të stadiumit Fadil Vokrri. Në këtë takim është folur për dialogun dhe Gjykatën Speciale. Andaj emërimi i Skender Hysenit si koordinator dhe ikja nga përgjegjësia e kryeministrit Hoti së pari tregon paaftësinë e këtij të fundit në menaxhimin e negociatave përballë Vuçiçit dhe e dyta të jetë një person i cili e ka për detyrë vetëm dialogun dhe dhënien e përgjegjësisë para Thaçit”, ka thënë Kuçi për “Bota sot”.

Image

Gurakuç Kuçi

Kuçi, ka shtuar se SHBA-ja interesin shtetëror nuk e zëvendëson për asnjë marrëveshje.

Ai ka përfunduar duke thënë se veprimet e vazhdueshme të politikanëve në Kosovë shprehin qëndrime dhe interesa personale në dëm të shtetit.

“Këto ashtu si edhe veprimet e vazhdueshme të politikanëve në Kosovë shprehin qëndrime dhe interesa personale në dëm të shtetit. Klasa e vjetër në pushtet ka sforcuar radhët e veta dhe për ta ruajtur uzurpokracinë është e gatshme për çdo marrëveshje”, ka përfunduar ai.

About admin

x

Check Also

Sa të gënjyer ishim !

/ Intervist që ia vlen të lexohet e rilexohet/ Intervistë me ish ...