Home / Lajme / Avokati i njohur: Vuçiq është akuzuar nga Tribunali i Hagës për krime, shtypi gjerman e quan sukses anulimin e takimit në SHBA

Avokati i njohur: Vuçiq është akuzuar nga Tribunali i Hagës për krime, shtypi gjerman e quan sukses anulimin e takimit në SHBA

28 ,06, 2020

 Aleksander Vuçiq

 

Avokati i njohur nga Shqipëri dhe njohësi i çështjeve politike në rajon, Spartak Ngjela, në një shkrim të tij në Facebook shkruan se shtypi  gjerman e quan sukses shqiptar prishjen e takimit Kosovë – Serbi, i cili do të mbahej në datën 27 qershor në Uashington.

Sipas tij, gazeta gjermane Züddeutsche Zeitung e konsideron këtë si takim me lëshim politik që Trump do t’i bënte interesit rus kundrejt Shqipërisë.

Ai thekson edhe një shkrim të gazetës amerikane “New York Times”, e cila dje ka publikuar një shkrim ku thotë se presidenti serb, Vuçiq, është akuzuar nga Tribunali i Hagës për krime kundër njerëzimit.

Postimi i tij i plotë, pa ndërhyrje:

Shtypi gjerman e quan sukses shqiptar prishjen e takimit Kosovë – Serbi, i cili do të mbahej në datën 27 qershor në Uashington.
Takimi u anulua si pasojë e kërkesës për arrest nga Tribunali i Hagës kundër Hashim Thaçit. Por gazeta gjermane Züddeutsche Zeitung e konsideron këtë si takim me lëshim politik që Trump do t’i bënte interesit rus kundrejt Shqipërisë.
Të jetë e vërtetë?

Por, tani kjo nuk ka rëndësi më, sepse përkrahja e interesit rus kundrejt Shqipërisë dhe Kosovës ndërkohë është çështje e vdekur: në fakt, ajo mund të bëhej vetëm me tradhëtinë shqiptare.

Kurse pikërisht për këtë që ndodhi kundër Hashim Thaçit, na duhet të pyesim: pse është mërzitur Vuçiç?
Kjo mund të ishte një provë për të vërtetuar analizën e gazetës gjermanë.
Por, mos ndoshta edhe vetë Vuçiç po përgatitet për të shkuar në Hagë, edhe ky nën akuzën e krimeve të luftës, sepse, në masakrën makabër të Milosheviçit në Kosovë, Vuçiç ka qenë ministër ultraterrorist?

Gjithësesi, mendoj se duhet pritur me durim dhe duhet parë me shumë kujdes kjo çështje, sepse ishte gazeta amerikanë New York Times ajo që ka dhënë dje lajmin se :
“presidenti i Serbisë, Vuçiç, është akuzuar nga Tribunali i Hagës për krime kundër njerëzimit”.
A mund të gabojë gazeta New York Times?
Të shohim…

About admin

x

Check Also

Intervistë me veprimtarin nga Struga, Lebit Murtishi

  Intervistë me veprimtarin nga Struga, Lebit Murtishi June 23, 2020 Portali ...