HAXHI SHALA- alias/ Haxhi Pishmani/

Ende nuk është bërë shumë kohë që nga formimi i qeverisjes së re dhe e cila nuk po vlerësohet e rregullt. E për këtë nga LVV-ja si fituese e zgjedhjeve  si për rastin e deputetit të dënuar, ashtu edhe për  Shalën e ndikuar, ankesat  janë  drejtuar në Gjykatën Kushtetuese.

Sikur vota e deputetit Etem Arifi, ashtu edhe ajo e Haxhi Shalës, po kontestohen dhe të cilat ishin  vendimtare pë rofmimin e qeverisë aktuale dhe për të cilat pritet të vendos kushtetuesja

Deputetët e Kuvendit të Kosovës, me 61 vota për, kanë votuar qeverinë e re të udhëhequr nga Avdullah Hoti, por kjo qeveri ende po konsiderohet si e paligjshme.

Kjo për faktin se dy vota po konsiderohen si të pavlefshme, ajo e deputetit Etem Arifi si dhe Haxhi Shalës.

Deputeti Etem Arifi, që është i dënuar për më shumë se një vit burgim për një vepër penale, ishte një nga 61 deputetët që i dhanë votën pro e që me minimum votash ia siguruan Hotit postin e kryeministrit.

Përveç kësaj, për votimin e qeverisë së re është dashur edhe ndërhyrja e presidentit Thaçi si dhe kryetarit të AAK-së Ramush Haradinaj dhe atë në mesnatë tek deputeti Haxhi Shala, i cili edhe e ka pohuar vet ai në seancën për votimin e qeverisë.

E pikërisht këto dy vota kanë bërë që Lëvizja Vetëvendosje të reagojë duke i dorëzuar në Gjykatën Kushtetuese kërkesën për antikushtetueshmërinë e pjesëmarrjes dhe votimit të këtyre dy deputetëve , pasi sipas tyre janë vota të pavlefshme dhe jokushtetuese.

Shefi i GP të VV-së, Rexhep Selimi tha i për “Syri.net” se tashmë për çështjen e votimit të deputetit Arifi  veçse është dërguar në kushtetuese, derisa ka thënë se edhe rasti i deputetit Shala është dërguar, pasi  i njëjti u bind nga presidenti Thaçi dhe ish-kryeministri Haradinaj.

“Kush po thotë se nuk kemi dërguar ankesat për dy rastet në Gjykatën Kushtetuese”, tha Selimi.

E përveç Lëvizjes Vetëvendosje, këto dy vota janë kontastuar edhe nga shumë njohës të çështjeve kushtetuese.

Ja çfarë parasheh Kushtetuta e Kosovës  e po ashtu edhe rregullorja e kuvendit.

Kjo pasi neni 70 i Kushtetutës së Kosovës -Mandati i Deputetëve, saktëson se deputetët e Kuvendit janë përfaqësues të popullit dhe nuk i nënshtrohen asnjë mandati detyrues.

Po ashtu edhe me neni 21 i Rregullores për Punën e Kuvendit, ku Kreu VII- Deputeti i kuvendit- Neni 21- Të drejtat dhe detyrat e deputetit të Kuvendit, pika

1 thotë se deputeti i Kuvendit është përfaqësues i popullit. Deputeti nuk i nënshtrohet asnjë detyrimi tjetër.