Home / Të ndryshme / Shqipëria u bë një herë me shokun Enver!

Shqipëria u bë një herë me shokun Enver!

Qershor 4, 2019

Shqipëria u bë një herë me shokun Enver!

Shqipëria është mësuar,

veç me një Lider,

kjo ka mbetur që nga koha,

e shokut Enver!

 

Që nga kohë e Socializmit,

kjo gjë ne na mbeti,

po Enveri qe Enver,

ishte Burrë Shteti!

 

Një popull analfabet,

Enver-këtu gjete,

po ngrite Akademira,

Universitete!

 

Njerëzit i verboi kandili,

në fusha dhe male,

po kur iku-la për Vendin,

plot hidrocentrale!

 

Me këneta dhe malarje,

na zuri çlirimi,

po u bë në kohë rekord,

gjithë bonifikimi!

 

Vetëm për popull mendonte,

gjithnjë ai burrë,

dhe në Kohën e Enverit,

s’u përmbytëm kurrë!

 

Atëherë jetove ti,

jetova dhe unë,

shteti na kish garantuar,

shtëpi edhe punë!

 

U hapën dhjetra miniera,

vetëm për pak vjet,

kudo ku kish një minierë,

ngrihej një qytet!

 

Ti që nuk ishe atëherë,

nuk ke si ta dish,

popullsi e Shqipërisë,

u rrit me pesë fish!

 

Shifrat janë kokëforta,

unë s’kam ç’të shtoj më,

po ca të marrë thonë akoma:

“Gjenocid u bë!.”

 

Ka akoma ndonjë vemje,

që përpjetë vërvitet,

Aty ku ka gjenocid,

popullsia s’rritet!

 

Ai shteti i bekuar,

qe për fukarenjtë,

pikërisht nga ajo shtresë,

janë sot të “mëdhenjtë”!

 

Nga vjen Basha dhe Berisha,

nga vjen Ilir Meta,

në dyert e fukarenjve,

këtu ndriti jeta!

 

Po mosmirënjohjen në gen,

qelbësirat kanë,

a s’erdhi Sala nga shpellat,

drejt e në Tiranë?!

 

A  s’e mori që të mitur,

shteti në dorëzim,

për dhjetë vite i dha strehë,

ushqim e arsim!

 

Nëse flasim për arsimin,

veç lavde do kemi,

se këtu falas dhe falas,

qe i gjithë sistemi!

 

Po kështu dhe mjekësia,

që të gjithë e dinë,

falas qe dhe vetëm falas,

në gjithë Shqipërinë!

 

Ju thaftë gjuha m’u në rrëzë,

kush gënjen-o Zot,

kur mendon si arsimohen,

bijtë tanë sot?!

 

Domosdo që shumë para,

s’kishim nëpër duar,

sepse shteti në shumë fusha,

i kish investuar!

 

U ngritën dhjetra fabrika,

edhe kombinate,

po këto deshën valutë,

jo presh e domate!

 

Asnjë metër hekurudhë,

nuk kishte ky shtet,

po me rrugë të çelikta,

u lidh çdo qytet!

 

Edhe siguri e jetës,

absolute ishte,

sepse rrënjët policia,

në popull i kishte!

 

Drogë dhe prostitucion,

s’njihte Shqipëria,

këto i kemi peshqeshe,

nga demokracia!

 

Enver Hoxha bëri shtet,

doni-apo s’doni,

se as si emër këtu,

s’njihej korrupsioni!

 

Shteti e mbante të mprehtë,

gjithnjë jataganin,

ushtria jonë popullore,

tromakste Ballkanin!

 

Ky ishte sot qëllimi,

vargjeve të mia,

për të thënë se me Enver Hoxhën,

u bë Shqipëria!

 

Për të thënë se me Enverin,

u bë Shqipëria,

dhe me Kushtetutë s’lejohej,

borxhi dhe kredia!

 

Po tani ka vajtur puna,

medet e medet,

se në borxhe e kredira,

është mbytur ky shtet!

 

Tani shitjen e Atdheut,

asgjë s’e pengon,

gjithë sektorët strategjikë,

janë me koncesion!

 

Më thoni si do të bëhet,

Nëna Shqipëri,

kur me kohë është kthyer,

në një Koloni?!

 

A.DUKA

About admin

x

Check Also

Kurti: Prioriteti ynë është lufta kundër krimit dhe zhvillimi i ekonomisë

Në një intervistë me DW, Albin Kurti, kandidati kryesor i Lëvizjes Vetëvendosje! ...