Home / Lajme / ZAIMI: GJENDJA NUK NDRYSHON ME IKJE, NDRYSHON ME QËNDRESË DHE ORGANIZIM, NË LËVIZJEN VETËVENDOSJE

ZAIMI: GJENDJA NUK NDRYSHON ME IKJE, NDRYSHON ME QËNDRESË DHE ORGANIZIM, NË LËVIZJEN VETËVENDOSJE

Shqiptarët po mërgojnë, me ritëm të lartë, si më parë. Jo vetëm të varfrit, por edhe ata që kanë punë, profesion e të ardhura. Edhe ata që nuk mërgojnë sot, në afatmesëm e shohin veten jashtë.

Pushtetari po të shqetësohet, i bie të vetëdijësohet për fajin e tij dhe të largohet. Prandaj pushtetari nuk shqetësohet, dhe thotë se mërgimi është normal, e drejtë njerëzore.

Ky spastrim etnik i shqiptarëve prej Ballkanit as nuk ishte e as nuk është normal. Shqiptarët e duan vendin e tyre, Luginën, Malësinë, veriun e perëndimin e Maq. Veriore nga Kumanova deri në Strugë, dhe sigurisht Kosovën e Shqipërinë.

Shqiptarët mërgojnë sikur të ishin nga Siria e Iraku që u shkatërruan prej luftës. Nuk mërgojnë ashtu as grekët e krizës, as maqedonët e bullgarët, rumunët, serbët e malazeztë.

Pse ndodh kjo? Se te ne është vrarë shpresa, bashkë me vrasjen e kolektivit. Është vrarë shëndetësia publike, arsimi publik, prodhimi vendor, tregtia vendase, industria, forcat e armatosura. Tek ne ekonomia private është zaptuar nga kriminelë, të cilët kontrollojnë qeverinë, gjykatat dhe median, pa u fshehur askush e me arrogancë nga të gjithë.

Këta zaptues mund të bëjnë herë pas here edhe pafytyrësi a krime të mëdha, ndoshta flitet një ditë a dy për to, pastaj heshtje absolute, dhe vëmendja kthehet te dhuna kriminale e të varfërve. Askush prej zaptuesve s’ndëshkohet, çfarëdo që të kenë bërë. Shqiptarët rezultojnë kombi me klasën e biznesmenëve të mëdhenj, apo oligarkëve, “më të pastër” në botë, para gjykatave. Ata arrestohen vetëm nëse varfërohen e falimentojnë personalisht, por jo kur varfërojnë e falimentojnë familje të tëra. Po aq “të pastër” dhe pushtetarët, gjyqtarët e drejtuesit e mediave. Këtu fajtor janë vetëm njerëzit e thjeshtë, e veç ata dënohen.

Prandaj njerëzit ikin.

Por, kjo nuk ndryshon me ikje, ndryshon me qëndresë dhe organizim, në Lëvizjen Vetëvendosje!

About admin

x

Check Also

Rrëfimi i kolonelit: Kosova, nga plani sekret i Enver Hoxhës te sulmi i NATO-s

14-Mars-2019  Intervista/ Kolonel Sulejman Abazi, ish-komandanti i divizionit të Tiranës, rrëfen luftën ...