Home / Opinion / BYUNGJIN, JO SONGUN

BYUNGJIN, JO SONGUN

Iliriana Koleka
E dini kush e ka ndihmuar Korenë e Veriut të bëhet bërthamore?
Vetë SHBA-ja, që të ketë me kë të lozi, siç po loz sot, natyrisht.
Administrata Klinton dhe ajo Bush, pa dallim, kanë patur një rol themeltar në zhvillimin e fuqisë bërthamore të Kim Jong Ilit, babait të Kim Jong Unit të sotëm, duke u nisur nga gjysma e viteve nëtëdhjetë.
-Sot, strategjia e re e Kimit quhen “BYUNGJIN” domethënë, “ZHVILLIM PARALEL” dhe ka patur sukses.
Ndryshon nga ajo e babait të Kimit , që quhej strategjia “Songun,  domethënë “ushtria mbi gjithëshka”, që në vitet me kushte të ashpra klimaterike, i grinte koreanët nga uria.
Në kohën e babait të Kimit, kur SHBA dhe Koreja e Jugut nisnin manovrat e mëdha, ushtria e Veriut, e përbërë zakonisht nga 1.2 milion njerëz, kalonte në gjëndje alarmi, për mbrojtjen e vëndit dhe me mijëra krahë pune i hiqeshin bujqësisë e kalonin në ushtri.
-Korea e Veriut ka pak sipërfaqe të kultivueshme të tokave të saj, vetëm 17%. Dhe, klima nuk është në favor të bujqësisë, kështu që, të heqësh krahë pune në kohën e mbjelljeve, është vdekjeprurëse për prodhimin e bukës në vënd.
Dikur dhe ne shqiptarët bënim bukën në vënd, po ja që Ramo, Sala, Nano, Meta e & i dhanë fund kësaj mrekullie,-se, të jesh i pavarur ekonomikisht, d.m.th. të jesh i pavarur dhe politikisht,-e, kjo është e pamundur për shqiptarët sahanlëpirës, të sipër përmendur.
Ju kujtohen bllokadat Shqipërisë, që në atë kohë na dukeshin ireale?!
Në fakt s’janë aspak ireale.
Vëndet e tjera të presin tregëtinë, pra ti s’mund të blesh mallra, pikërisht ato që të duhen, ato që s’i prodhon vetë.
Të kthehemi tek Korea e Kimit.
-Sa herë që e dënojnë Korenë me bllokadë, i fluturojnë dhe plehërat azotike që ajo i importon, kështuqë bujqësia merr goditje.
Me që ra fjala dhe ne i prodhonim vetë plehërat azotike, po qëkur ka ardhur kapitalizmi, a ka mbetur në këmbë ndonjë fabrikë plehrash (fertilizantësh) tek ne?
Jo, është gjëja e parë që goditet mbas ushtrisë, kur do ta bësh një vënd sovran fërtele.
Pse-ja është e thjeshtë. Kur ti s’i prodhon, duhet t’i importosh plehërat që i heqin shterpësinë tokës dhe kur s’ke para t’i blesh ose të bëjnë bllokadë, ngordhë për bukë.
E qartë si drita, po deshe bukë, bëj si të them unë.
Bllokadës s’kanë ç’i bëjnë koreanët, se SHBA-ja i manovron sipas qejfit OKB-në e vendet miq satelitë, po të paktën sot Kimi,  s’heq më mijëra krahë pune nga bujqësia në kohë fushate, për t’i çuar në ushtri, sa herë që vjen e bën manovra SHBA-ja.
E ka gjetur Kimi zgjidhjen ekonomike, me hedhje e raketash.
I zgjuar qeratai.
Duhet thënë që, dhe kohërat kanë ndryshuar.
-Sot të hudhësh një raketë s’kushton shumë dhe është më e leverdishme, se në kohën e babait të Kimit.
Kështu koreanët e Kimit vazhdojnë të merren me bujqësi, pa ngordhur urie dhe amerikanëve u tregohet “fuqia ushtarake” me anën e hedhjes së raketave.
-Me pak fjalë, ky “byungjini” ose “zhvillimi paralel”,kushton vetëm 2-3% të PBB-së (Prodhimit të Brendshëm Bruto, shkurt: PBB).
——————
Komente

Share This:

About admin

x

Check Also

Albin Kurti, Hasan Prishtina i kohëve moderne

Bosnjëzimin e Kosovës, privatizimin neoliberal, plaçkitjen, nigerizimin  e vendit dhe gjendjen e ...